གངས་ཀྱིས་བསྐོར་བའི་ལྗོངས་ལ།།
ཟས་མཆོག་སྦྲང་དཀར་རྩམ་པས།།
ལྷག་བསམ་བོད་ལ་བཅངས་ནས།།
གངས་རི་ལས་ཀྱང་དཀར་སོང་།།
 
སྔོ་ལྗང་གཡུ་ལོའི་ཚལ་ལ།།
ཟས་མཆོག་འབྲི་མར་སེར་པོས།།
དུང་སེམས་བོད་ལ་བཅངས་ནས།།
ཆོས་ལྡན་ཞིང་ལ་འགྱུར་སོང་།།
 
ཚང་ཚིང་རྒྱ་རྫོང་ནགས་ལ།།
ཟས་མཆོག་སྔོ་ཚལ་རིགས་ཀྱིས།།
བརྩེ་སེམས་བོད་ལ་བཅངས་ནས།།
བྱམས་དང་སྙིང་རྗེ་ལྡན་སོང་།།
 
རྩ་རིའི་སྨུག་པོའི་ཁྲོད་ལ།།
སྨན་མཆོག་དབྱར་རྩྭ་དགུན་འབུས།།
ཐུགས་སེམས་བོད་ལ་བཅངས་ནས།།
སྟོབས་འབྱོར་མངའ་ཐང་རྒྱས་སོང་།།
 
ཟས་མཆོག་སྦྲང་དཀར་རྩམ་པ།།
གངས་ཅན་བོད་ཀྱི་ལྟོ་ཕྱེ།།
བཅུད་ལྡན་ལུས་ཟུངས་གསོ་བའི།།
སྙན་གྲགས་འཛམ་གླིང་ཁྱབ་སོང་།།