གྲོང་ཁྱེར་ནས་མི་ཚོགས་ཀྱིས་ཤེས་འགྲོ་བའི་དོགས་སྣང་གིས
སེམས་ཀྱི་རེ་བ་མ་ལུས་ཆད་འགྲོ་བའི་སྐྱོ་སྣང་གིས
མགོ་བོ་ལ་ལག་པས་སྐྱོར་ཅིང་མིག་ཟུང་རྒྱང་ལ་བསྲིངས
ཁྱོད་ཀྱི་བབ་ཆགས་པའི་ཀུན་སྤྱོད་དེས
ང་རྨང་ནས་བཟི་སོང
 
ཁ་ནུབ་ཟླ་བ་གཟའ་ཡིས་བཟུང་བའི་འོ་དོད་ཀྱི་ནུབ་མོ
དེ་རིང་སེམས་པ་དྲན་པའི་གཟིར་བའི་གདུང་སེམས་ཀྱི་ཉིན་མོ
ཇ་ཁང་གི་འདུ་འཛི་དགོད་སྒྲ་ཡིས་བཀླགས་ཚེ
སྒེའུ་ཁུང་གི་བསིལ་རླུང་རེ་རེ
ཁྱོད་ཀྱི་འཇམ་ཤུར་ཤུར་གྱི་ལག་ཟུང་དེ་ཡིན་ན
 
གོ་རིམ་ཞིག་གིས་ངས་ཁྱོད་ཀྱི་རྗེས་མ་ཟིན་ནའང
སེམས་པ་སེམས་ཀྱི་སྒང་ནས་ཁྱོད་ལ་བལྟས་ཡོད
ཁྱོད་ལ་བལྟས་ཀྱིན་བལྟས་ཀྱིན
མེ་ཏོག་སེར་ཆེན་ཞིག་ཇི་ལྟར་རྙིད་སོང་བའི་གོ་རིམ་ལ་བསམ་བློ་གཏོང
བསམ་བློ་དེ་ཡང་བསྐྱར་ནས་བསྐྱར་དུ་འཁོར