སྔོ་ལྗང་ལྗོན་བཟང་གིས་བཀླུབས་པའི།།
     བདག་གི་སྙིང་དབུས་ཀྱི་སློབ་གྲྭ།།
     རབ་མཛེས་དགའ་ཚལ་གྱི་རྣམ་པ།།
     མཛེས་སྡུག་ལྷ་ཡུལ་དང་འདྲ་བྱུང་།།
    
     ཐོ་རངས་སྐར་ཆེན་གྱི་འོག་ཏུ།།
     སྦྱངས་བརྩོན་སློབ་བུ་ཡི་ཚོགས་ཀྱི།།
     བློར་འཛིན་སྐྱོར་སྦྱངས་ཀྱི་དབྱངས་རྟ།།
     འཇོལ་མོའི་གསུང་སྐད་དང་འདྲ་བྱུང་།།
    
     མཁྱེན་རྒྱ་ནམ་མཁའ་ལས་ཡངས་པའི།།
     དགེ་བའི་བཤེས་གཉེན་གྱི་ཐུགས་བརྩེ།།
     སློབ་བུའི་ཚོགས་རྣམས་ལ་གཅེས་པ།།
     དྲིན་ཆེན་ཕ་མ་དང་འདྲ་བྱུང་།།
    
     མཛའ་གཅུགས་ཞི་དུལ་གྱི་སློབ་མ།།
     ཕན་ཚུན་འཁོན་འཛིང་ནི་མེད་པར།།
     གཅིག་ལ་གཅིག་བརྟེན་གྱི་ངང་ཚུལ།།
     མྱང་ཆུའི་ཉ་ཆུ་དང་འདྲ་བྱུང་།།
    
     བ་གམ་ཐོག་བརྩེགས་ཀྱི་ཁང་བཟང་།།
     སློབ་གྲྭའི་ཕྱོགས་ཀུན་ན་བསྐྲུན་པས།།
     དར་དིར་ཀློག་འདོན་གྱི་དབྱངས་རྟས།།
     ཕྱོགས་བཞིའི་ཨོ་ལོ་ཚོ་བཀུག་སོང་།།