ཨ་སྔོན་མཐོན་པོའི་དབྱིངས་ནས།།
     ཁ་བས་གར་སྟབས་བསྒྱུར་བྱུང་།།
     འཛིན་མའི་ལུས་ཀྱི་ན་བཟའ།།
     དཀར་པོ་དུང་ལས་དཀར་རོ།།
     སློབ་ཁང་ནང་དུ་བསྡད་ནས།།
     སྒེའུ་ཁུང་ཕྱི་ལ་བལྟས་ཚེ།།
     སློབ་ཁང་ཤར་གྱི་ཕྱོགས་ན།།
     གཏོས་ཆེན་རི་ཞིག་རིག་གི།
     ག་ལེར་ཞིབ་མོར་བལྟས་ན།།
     རི་བོ་ཁ་བས་གཡོགས་འདུག།
     དེ་བས་རི་བོ་དེའང་།།
     གྲང་བ་ཐེ་ཚོམ་ཅི་ཡོད།།
     སུམ་བརྩེགས་ཁང་པར་གནས་ཀྱང་།།
     དགུན་གྱི་གྲང་ངར་མི་ཁོག།
     དེ་བས་རང་ཁྱིམ་ནང་གི།
     ལྕགས་ཐབ་དྲོན་མོ་དྲན་བྱུང་།།
     ལུས་ལ་ཀོ་སྟོད་བལ་སྟོད།།
     སུམ་བརྩེགས་བཞི་བརྩེགས་བྱས་ཀྱང་།།
     སྐེ་ལ་སྐེ་དཀྲིས་མཐུག་པོས།།
     མདུད་པ་ལན་གསུམ་བརྒྱབ་ཀྱང་།།
     དུས་ངན་དགུན་གྱིས་གཙག་པས།།
     གདོང་ལ་ལངས་ཐབས་བྲལ་བས།།
     ཐག་རིང་ཡུལ་ལ་ལུས་པས།།
     རྩག་པ་ཐུག་པོ་དྲན་བྱུང་།།