དགེ་རྒན་དུས་ཆེན་ལ་རྟེན་འབྲེལ་ཞུ་བ།

གདུགས་དཀར་སྐྱབས། 2016-09-12

འགྲོ་ཀུན་གོང་དུ་བཀུར་བའི་དབྱངས་ཅན་མཆོག
དེ་རིང་།
བདག་གི་བླ་མའི་དུས་ཆེན་རེད།
དེའི་ཕྱིར།
ཉིད་ཀྱི་ངག་གི་ཤིས་ཚིག་འགའ།
བདག་ལ།
ཐེངས་གཅིག་གཡར་བར་གུས་ཕྱག་འཚལ།
སློབ་དཔོན་ལགས།
དེ་རིང་ནི།
ཁྱེད་ཀྱི་དུས་ཆེན་རེད།
ལས་འགན་ལྕི་མོ་ཕྲག་ལས་ཕོབ་དང་།
སེམས་ཚགས་ཀྱི་བསམ་གཞིག་རྨང་ནས་ཉོར་དང་།
དེ་རིང་ནི།
ཁྱེད་ཀྱི་དུས་ཆེན་རེད།
སློབ་དཔོན་ལགས།
སེམས་དགའ་བས་གླུ་ཞིག་ལོངས་དང་།
ཡིད་བཟི་བས་བྲོ་ཞིག་འཁྲོབ་དང་།
དེ་རིང་ནི།
ཁྱེད་ཀྱི་དུས་ཆེན་རེད།
སློབ་དཔོན་ལགས།
དེ་རིང་།
སེམས་དཀར་བའི་ལྷག་བསམ་གྱི་ཆེད་དུ།
གཏིང་ཟབ་པའི་ཡོན་ཏན་དེའི་སླད་དུ།
ངས་ཁྱེད་ལ།
སེམས་རྣལ་མའི་ཤིས་ཚིག་ཁྱེར་ཡོད།
རྟེན་འབྲེལ་གྱི་ལེགས་སྐྱེས་བསྣམས་ཡོད།
སློབ་དཔོན་ལགས།
ལམ་སྟོན་གྱི་སྒྲོན་མེ།
ལམ་སྟོན་གྱི་སྒྲོན་མེ།

དགེ་རྒན་དུས་ཆེན་ལ་རྟེན་འབྲེལ་ཞུ་བ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10