ཉིན་དེའི་ཞོགས་པར།
ངེད་ཚང་ལ་མི་མང་པོ་ཞིག་ཐོན་སོང་།
སྡེ་མི་མང་པོ་མང་པོ་ཞིག་ཐོན་སོང་།
ཆ་མེད་ཀྱི་མི་མང་པོ་ཞིག་ཐོན་སོང་།
ང་ལ་སྣང་དོགས་བྱ་མཁན་གཅིག་ཀྱང་མི་འདུག
ཉིན་དེའི་ཞོགས་པར།
མི་མང་པོ་ཞིག་ངུ་བཞིན་འདུག
ཨ་མ་ཡང་ངུ་བཞིན་འདུག
ང་ཡང་ངུས་པ་ཡིན།
ཉིན་དེའི་ཞོགས་པར།
མི་མང་པོ་ཞིག་ནང་དུ་འོང་གིན་འདུག
མི་མང་པོ་ཞིག་ཕྱི་རུ་འགྲོ་བཞིན་འདུག
ཁོ་ཚོའི་གདོང་ན་འཛུམ་མདངས་མི་འདུག
དེའི་ཚབ་ཏུ་གཟབ་ནན་དང་བྲེལ་འཚུབ་བརྐོས་འདུག 
ཉིན་དེའི་ཞོགས་པར།
རྨོ་མོའི་ལུ་བརྒྱལ་གྱི་སྒྲ་ཐོས་རྒྱུ་མི་འདུག
རྨོ་མོ་ཞེས་ངུད་མོའི་ཚུལ་གྱིས་འབོད་ཚུལ་ལ་བལྟས་ན།
ཆ་མེད་ཀྱི་མི་འདི་དག་གིས།
ངའི་རྨོ་མོ་གང་དུ་འཁྱེར་ཡོད་ཚོད་རེད།
ངའི་རྨོ་མོ་ཕྱིར་འཁྱེར་ཤོག
ངའི་རྨོ་མོ་ཕྱིར་འཁྱེར་ཤོག
ཉིན་དེའི་ཞོགས་པར།
ང་ཡང་ཤུགས་ཀྱིས་ངུས་པ་ཡིན།