གངས་ཀྱི་དབུ་རྩེ་ན་ཉི་མའི་གཟི་བྱིན་

འཕྲོ་དུས།

འཇིགས་རུང་གི་ཐལ་རྡུལ་རླུང་དམར་

འཚུབ་པའི་ཉིན་མོ་གཅིག།

གངས་འདབས་ན་འཚོ་བའི་དབུས་ཀྱི་དིང་

རི་བའི་ཡུལ་ལུང་ན།

ནང་སེམས་ཀྱི་དཀྱིལ་དུ་སྐྱོ་གདུང་གི་མུན་པ་

འཐིབས།

སེམས་མ་ངུ་། སྙིང་སྟོབས་སྐྱེད་དང་།

དཔྱིད་ཀའི་དཔལ་ཡོན་བཞིན་འཚོ་བ་ལ་གཟི་

བྱིན་འཕྲོ་ཡོང་བའི་སྨོན་ལམ་བྱས་ཡོད།

གནམ་རྒན་མས་བཀའ་བཀོད་འོག།

མགོ་ཐོག་མི་འདོད་པའི་མུན་པས་

བསྒྲིབས་ཀྱང་།

ནང་སེམས་ན་དད་སེམས་ཀྱི་ཉི་ཟླ་འཛུམ་པའི་

གངས་རིའི་སྤུན།

ཁྱོད་ཀྱི་མིག་མཐའ་ན་འཁྱིལ་བའི་མིག་

ཆུའི་ཐིགས་པ་རེ་རེའི་རྒྱབ་ན།

སུས་ཀྱང་དཔོག་པར་དཀའ་བའི་སྐྱོ་གདུང་གི་

གཏམ་རྒྱུད་ཅིག་བསྙལ་ཡོད་ངེས།

སྙིང་སྟོབས་ཀྱི་མེ་ལྕེ་གྱེན་དུ་འབར་དང་དིང་

རི་བ།

རིགས་གཅིག་པའི་སྤུན་ཡ་ནམ་ཟླ་ཚོས།

ཁྱོད་ཅག་གི་རྒྱབ་ཏུ་གདུང་སེསམ་ཀྱི་དར་

ཆ་སྒྲེང་བཞིན་ཡོད།

སེམས་མ་ངུ་ཨང་། གསོལ་འདེབས་དང་སྨོན་

ལམ་གཙང་མ།

ཁྱོད་ཅག་གི་ནམ་མཁའ་ན་སྤྲིན་དཀར་

བཞིན་སྤུར་ཡོང་།

དིང་རི་བ།

ཁྱོད་ལ་སྙིང་སྟོབས་དང་དད་འདུན་ཡོད།

ཁྱོད་ཀྱི་སྙིང་སྟོབས་ནི་གངས་རི་བཞིན་

བརྟན་ལ།

ཁྱོད་ཀྱི་དད་འདུན་ནི་གངས་ཆབ་ལས་

གཙང་བ་ཡིན་སྟབས།

ཁྱོད་རང་སྔར་བཞིན་མགོ་བོ་དགྱེ་དགོས།

དིང་རི་བ།

ཁྱོད་ཀྱིས་ཞོགས་པའི་ཉི་གཞོན་མཐོང་དུས།

གྱེས་བྲལ་དང་ནད་མུག་གི་མུན་པ་སྟུག་

པོ་སངས་བར་སྨོན།

གངས་འདབས་ཀྱི་ས་རྡུལ་ན་ཐིམ་པའི་རྣམ་

ཤེས་དེ་དག།

གངས་ལྷ་མེ་ཏོག་བཞིན།

ཕ་ཡུལ་གངས་ལྗོངས་ཀྱི་ར་བ་ན།

ལང་ཚོ་ཡི་མེ་ཏོག་འདབ་སྟོང་དགོད་པར་སྨོན།