སྦྲ་སྲས་གངས་བུ་འཛུམ་གྲོལ། 2024-01-19
བྱིས་པ་ཡི་རྡེའུ་དཀར་ནག་གི་རྩེ་ར་བསྒྲིགས་ནས།
དགའ་སྐྱིད་ཀྱི་རྩེད་རྡོ་ཕུགས་ནས་རྩེས།
བདེ་སྐྱིད་དང་དགོད་སྒྲ་མ་གཏོགས་སེམས་སུ་ཅི་ཡང་མེད།
ཡིན་ཡང་། འགྲོ་ཁར་ཚང་མ་བཞག་ནས་འགྲོ་དགོས།
ན་གཞོན་ཕོ་མོ་ཡི་ཁ་མཚར་བར་ན།
གཅིག་དགའ་གཉིས་མཐུན་གྱི་འཇིག་རྟེན་སྣང་བ་སྐྱིད།
འཇིག་རྟེན་འཁོར་བའི་གྲོང་ཁྱེར་དེ་འགྲིམ་དུས།
དགའ་སྐྱོ་ཆགས་སྡང་གི་མཚར་སྒྲུང་མང་།
འཚོ་བའི་གཏམ་རྒྱུད་དེ་ཚར་རྒྱུ་མེད།
འཇིག་རྟེན་གྱི་འཁོར་བ་ལས།
བྱིས་པ་གཅིག་སྐྱེས་གཉིས་སྐྱེས།
ཕ་མའི་འགྲོ་འདུག་གི་གོམ་ཁ་ལྷོད།
ཨ་མའི་འཇོ་སྒེག་གི་ལང་ཚོ་འགྱུར།
རྩོམ་གསར། 10