ཨ་ཅེ། དུས་ཚོད་ནི་འཆི་བདག་ཡིན།

ང་ཚོ་མིའི་ཡུལ་གྱི་ནད་ཁྲི་ཐོག་ཏུ་བསྡད་དེ།

འཆི་རྒྱུར་བསྒུག་བསྡད་ན།

ང་ཚོས་འཆི་བདག་ལ་མགོ་བོ་བསྒུར་བ་ཡིན།

ཕུ་བོ། དུས་ཚོད་ནི་འཆི་བདག་ཡིན།

ང་ཚོ་སྒྱིད་ལུག་གི་ནག་ཁུང་ཁྲོད་དུ་ཉལ་ཏེ།

ཆོ་མེད་ཀྱི་འཚོ་བ་རོལ་བ་ནི།

འཆི་བདག་ལ་ལག་གཡུག་བྱས་པ་དང་འདྲ།

ནུ་མོ། དུས་ཚོད་ནི་སྐྱབས་མགོན་ཡང་ཡིན།

ང་ཚོས་དུས་ཚོད་ལ་གཅེས་སུ་བཟུང་སྟེ།

སྐར་མ་རེའམ་སྐར་ཆ་རེ་རེ་བཞིན་ཚེ་སྲོག་གི་རྩ་ལག་

གལ་ཆེན་ཞིག་ཏུ་མཐོང་སྟེ་འབད་འབུངས་

སྐྱེད་ནུས་ཚེ།

ནམ་ཞིག་ལ།

ང་ཚོའང་སྐྱབས་མགོན་ཞིག་ཏུ་འགྱུར་དུས་ཡོད།

ནུ་བོ། དུས་ཚོད་ནི་སྐྱབས་མགོན་ཡིན།

ང་ཚོས་དུས་ཚོད་ཀྱི་ད་ལྟར་སེར་སྣ་བྱས་ཤིང་།

ཚེ་སྲོག་གི་འགྲུལ་བཞུད་ཁྲོད་དུ།

གོམ་པ་རེ་རེས་དུས་ཚོད་ཀྱི་རྗེས་ཆོད་ན།

ང་ཚོ་སྐྱབས་མགོན་ལས་སྔུན་དུ་རྒྱུག་ཐུབ་པ་ཡིན།