སྦི་གསང་། 2023-01-17
སྙིང་ཉེ་བའི་གྲོགས་པོ་ལགས།
ཁྱོད་རང་འོད་སྣང་ལ་དུངས་ནས་མི་
ཡུལ་ལ་ཕྱིར་བལྟས་བྱེད་ཁོམ་མ་བྱུང་།
སྐྱོ་སྣང་དང་གདུང་སེམས་སྔར་བཞིན་
ཁྱོད་ཀྱི་འགྲོ་ལམ་དུ་ཁྱབ་པར་བྱས།
ཁྱོད་རང་རྒྱང་རིང་དུ་བཞུད་པ་ནས་བཟུང་།
མཁའ་དབྱིངས་ཀྱི་སྤྲིན་དཀར་སྐྱ་ལམ་མེར་
བསིལ་རླུང་གིས་འཁུར་དགོས་ཨང་།
ཁྱོད་རང་འགྲོ་ཐབས་མེད་པའི་ལམ་བུ་དེ་ན།
ནང་སེམས་ཀྱི་ན་ཚོད་རྒས་སྲིད་ལ།
ཕྱི་རོལ་གྱི་ཉི་འོད་ཀྱང་མཚན་སྨག་
གི་ཀློང་དུ་རྡོལ་སྲིད།
ལྷ་ཚོགས་ཀྱི་ཞིང་ན་ཉི་འོད་སྐྱོ་བཞིན།
ཞེ་འདང་གི་ཁ་དོག་ཀྱང་སྐྱོ་བཞིན།
ཁྱོད་རང་གང་ཞིག་ན་སྐྱོ་བཞིན་ཡོད།
ངའི་སྙིང་ཁམས་ཀྱི་ཟབ་ས་ན་ཁྱོད་རང་
མུན་པ་བཞད་པའི་མཁའ་དབྱིངས་
ཤིག་གྱུར་ནས།
རྒྱང་རིང་ནས་ས་རྡུལ་དང་སྨག་རུམ་
འཁུར་དགོས་ཨང་།
རྩོམ་གསར། 10