སྣང་མཆེད་ཤེལ་དཀར་གྱི་མེ་ལོང་ངོས་ལ།།

གཟུང་འཛིན་བག་ཆགས་ཀྱི་ཁ་རླངས་ཕོག་ཀྱང་།།

རྒྱུ་འབྲས་རང་ཞལ་གྱི་ཟླ་བ་དཀར་པོ།།

སྙིང་གི་མཚོ་ཆུང་ལ་རྟག་ཏུ་འཆར་ཡོད།།

སྐྱེ་མེད་མཐའ་བྲལ་གྱི་ལྷ་ལམ་ངོས་སུ།།

གཉུག་མ་འོད་གསལ་གྱི་ཉི་ཟླ་འཆར་ཡང་།།

སྣང་བ་ལང་ལོང་གི་ཡོལ་བས་བསྒྲིབས་ཏེ།།

འཁོར་འདས་གཡས་གྲལ་དུ་སྡོད་རྒྱུ་མ་བྱུང་།།

རང་སེམས་གཉོམ་པོ་འདི་ཤ་བ་སྨུག་ཆུང་།།

ངེས་འབྱུང་རླུང་བུ་ཡིས་དེད་པ་མིན་ཡང་།།

དབེན་པའི་རི་སུལ་གྱི་རྐང་ལམ་ཕྲ་མོར།།

ལས་སྐལ་མེ་ཏོག་གི་འདབ་མ་བཞད་ཡོད།།

འདོད་ཡོན་སུམ་སྒྲོག་གི་བསླུ་བྲིད་འོག་ཏུ།།

ཚོགས་དྲུག་ཅང་ཤེས་ཀྱི་ལུས་པོ་ཚུད་ཀྱང་།།

བརྩེ་བའི་ཟན་ཆས་ཀྱིས་གསོ་བར་བྱེད་རྣམས།།

ཁྲེལ་གཞུང་བློ་མིག་གིས་གཏན་ཏུ་འཚོས་ཡོད།།

དུས་བཞི་རིམ་བགྲོད་ཀྱི་ལོ་ཟླའི་པང་ནས།།

ལང་ཚོའི་དབྱར་གཞུང་གི་བཀྲག་མདངས་ཡལ་ཀྱང་།།

བརྩེ་སེམས་འཇའ་འོད་ཀྱི་བསྣོལ་མཚམས་དེ་རུ།།

ལེགས་ཚོགས་སྤྲིན་དཀར་གྱི་འདབ་མ་བཀོད་ཡོད།།

འདུ་འབྲལ་ཟློས་གར་གྱི་གཏམ་རྒྱུད་ནང་ལ།།

སྨྲེང་སྐྱོ་རི་ཆེན་གྱི་གྲིབ་མ་འཁོར་ཡང་།།

ལས་འཕྲོ་དར་སྐུད་ཀྱི་མདུད་པ་ཞིག་ཚེ།།

སླར་ཡང་མདུད་མཁན་ནི་སུ་ཞིག་ཡོད་ཨང་།།

འཛུམ་དཀར་ཡིད་འོང་གི་ལང་ཚོའི་འདབ་མ།།

ལོ་ཟླའི་འགྱུར་བག་གིས་རྙིད་པར་བྱས་ཀྱང་།།

མགུར་ཐུང་ཕྱེ་ལེབ་ཀྱི་མགྲིན་གླུ་སྙན་མོ།།

ངག་རིག་སྐྱེལ་ཚལ་དུ་ཅི་དགར་ལེན་ཆོག།