1.　རི་ནོར་བུ་འདྲ་ལེ་རི་མགོ་ལ།　　ཤིང་ཡར་འཁྲུངས་ཐམས་ཅད་ཐང་དཀར་འཁྲུངས།།　　ཡར་སྐྱེས་སྐྱེས་རྩེ་མོ་སྒང་དང་མཉམ།།　མར་འཁྱིལ་འཁྱིལ་འདབ་ལོ་ས་ལ་འཁྱིལ།།　
　2.རི་ནོར་བུ་འདྲ་ལེ་རི་སྐེད་ལ།།　　ཤིང་ཡར་འཁྲུངས་ཐམས་ཅད་ཙན་དན་འཁྲུངས།།　ཡར་སྐྱེས་སྐྱེས་རྩེ་མོ་སྒང་དང་མཉམ།།　　མར་འཁྱིལ་འཁྱིལ་འདབ་ལོ་ས་ལ་འཁྱིལ།།
　3.རི་ནོར་བུ་འདྲ་ལེ་རི་མདའ་ལ།།　ཤིང་ཡར་འཁྲུངས་ཐམས་ཅད་རྒྱ་ལྕང་འཁྲུངས།།　　ཡར་སྐྱེས་སྐྱེས་རྩེ་མོ་སྒང་དང་མཉམ།།　མར་འཁྱིལ་འཁྱིལ་འདབ་ལོ་ས་ལ་འཁྱིལ།།
　4.རི་ནོར་བུ་འདྲ་ལེ་རི་མགོ་ལ།།　ཤིང་ཡར་འཁྲུངས་ཐམས་ཅད་ཐང་དཀར་འཁྲུངས།།བྱ་མར་བབས་ཐམས་ཅད་རྨ་བྱ་བབས།།
　5.རི་ནོར་བུ་འདྲ་ལེ་རི་སྐེད་ལ།།　　ཤིང་ཡར་འཁྲུངས་ཐམས་ཅད་ཙན་དན་འཁྲུངས།།བྱ་མར་བབས་ཐམས་ཅད་རྒོད་དཀར་བབས།།
　6.རི་ནོར་བུ་འདྲ་ལེ་རི་མདའ་ལ།།　　ཤིང་ཡར་འཁྲུངས་ཐམས་ཅད་རྒྱ་ལྕང་འཁྲུངས།།　　བྱ་མར་བབས་ཐམས་ཅད་ཁུ་བྱུག་བབས།།
　7.ཨ་སྔོན་གཅིག་སྐོར་གཅིས་སྐོར།།　　ཨ་སྔོན་བརྒྱ་ཙམ་བསྐོར་མྱོང་།།　　ཨེ་འདྲ་ས་ཆ་སྐྱིད་པོ།།　　ག་ས་ག་ལ་མེད་དོ།།　　རང་ཡུལ་ཡིན་ན་བསམ་བྱུང་།།
　8.བྲག་དཀར་གཅིག་སྐོར་གཉིས་སྐོར།།　　བྲག་དཀར་བརྒྱ་ཙམ་བསྐོར་མྱོང་།།
　　ཨེ་འདྲ་ས་ཆ་སྐྱིད་པོ།།　　ག་ས་ག་ལ་མེད་དོ།།　　རང་ཡུལ་ཡིན་ན་བསམ་བྱུང་།།
　9.རྒྱ་གྲོང་གཅིག་སྐོར་གཉིས་སྐོར།།　　རྒྱ་གྲོང་བརྒྱ་ཙམ་བསྐོར་མྱོང་།།　　ཨེ་འདྲ་ས་ཆ་སྐྱིད་པོ།།　　ག་ས་ག་ལ་མེད་དོ།།　　རང་ཡུལ་ཡིན་ན་བསམ་བྱུང་།།　  
    10.ཨ་འགོ་གངས་ལ་བཅད་པའི་གུར་གུམ་མེ་ཏོག་གཅིག་འཛོམས་ལགས།།
　　ཨ་སྐེད་སྤང་ལ་བཅད་པའི་སྤང་རྒྱན་མེ་ཏོག་གཉིས་འཛོམས་ལགས།།
　　ཨ་མདའ་ཆུ་ལ་གནས་པའི་ཆུ་ཤེལ་མེ་ཏོག་གསུམ་འཛོམས་ལགས།།
　　སྐྱེས་ས་འཁྲུངས་ས་མི་གཅིག་ལ་དང་ལུང་པ་ཁ་ཁ།།
　　ཨེ་འདྲ་འཛོམས་ས་ཡག་མོ་མཆོད་ཁང་ནང་ལ་འཛོམས་བྱུང་།།
　11.ཨ་འགོ་གངས་ལ་བཅད་པའི་ཐང་དཀར་ལོ་མ་ཅིག་འཛོམས་ལགས།།
　　ཨ་སྐེད་བྲག་ལ་བཅད་པའི་ཙན་དན་ལོ་མ་གཉིས་འཛོམས་ལགས།།
　　ཨ་མདའ་ཆུ་ལ་བཅད་པའི་རྒྱ་ལྕང་ལོ་མ་གསུམ་འཛོམས་ལགས།།
　　སྐྱེས་ས་འཁྲུངས་ས་མི་གཅིག་ལ་དང་ལུང་པ་ཁ་ཁ།།
　　ཨེ་འདྲ་འཛོམས་ས་ཡག་མོ་བསང་སྒམ་ནང་ལ་འཛོམས་བྱུང་།།
　12.ཨ་འགོ་གྲོང་ལས་སྐྱེ་པའི་བླ་མའི་བཟང་པོ་གཅིག་འཛོམས་ལགས།།
　　ཨ་སྐེད་གྲོང་ལས་སྐྱེ་པའི་དཔོན་པོ་བཟང་པོ་གཉིས་འཛོམས་ལགས།།
　　ཨ་མདའ་གྲོང་ལས་སྐྱེ་པའི་ཨ་མའི་བཟང་པོ་གསུམ་འཛོམས་ལགས།།
　　སྐྱེས་ས་འཁྲུངས་ས་མི་གཅིག་ལ་དང་ལུང་པ་ཁ་ཁ།།
　　ཨེ་འདྲ་འཛོམས་ས་ཡག་མོ་བྲོ་ར་ནང་ལ་འཛོམས་བྱུང་།།
　13.དང་པོ་གནས་གཅིག་མ་ཆགས་དང་པོ་གནས་གཅིག་ཆགས་ཡོད།།
　　དང་པོ་གནས་གཅིག་ཆགས་ས་གནས་ཆེན་དཔལ་ཡུལ་ལྷ་སྒང་།།
　　ནང་ལ་ནོར་བུ་མ་བཞུགས་ནང་ལ་ནོར་བུ་བཞུགས།།
　　ཇོ་བོ་མི་འགྲོ་གསུང་འབྱོན་ནང་ལ་ནོར་བུ་བཞུགས།།
　　ཕྱི་ལ་ལྕགས་རིས་མ་སྐོར་ཕྱི་ལ་ལྕགས་རིས་བསྐོར་ཡོད།།
　　མཆོད་རྟེན་བརྒྱ་དང་བཅུ་གསུམ་ཕྱི་ལ་ལྕགས་རིས་བསྐོར་ཡོད།།
　14.གཉིས་པ་གནས་གཅིག་མ་ཆགས་གཉིས་པ་གནས་གཅིག་ཆགས།།
　　གཉིས་པ་གནས་གཅིག་ཆགས་ས་གནས་ཆེན་ཕོ་བྲང་ལྔ་བརྩེགས།།
　　ནང་ལ་ནོར་བུ་མ་བཞུགས་ནང་ལ་ནོར་བུ་བཞུགས།།
　　ཙན་དན་སྦྲུལ་གྱི་སྙིང་པོ་ནང་ལ་ནོར་བུ་བཞུགས།།
　　ཕྱི་ལ་ལྕགས་རིས་མ་བསྐོར་ཕྱི་ལ་ལྕགས་རིས་བསྐོར་ཡོད།།
　　ཤིང་སྣ་བརྒྱ་དང་བཅུ་གསུམ་ཕྱི་ལ་ལྕགས་རིས་བསྐོར་ཡོད།།
　15.གསུམ་པ་གནས་གཅིག་མ་ཆགས་གསུམ་པ་གནས་གཅིག་ཆགས་ཡོད།།
　　གསུམ་པ་གནས་གཅིག་ཆགས་ས་གནས་ཆེན་འབོ་ཡི་གངས་དཀར།།
　　ནང་ལ་ནོར་བུ་མ་བཞུགས་ནང་ལ་ནོར་བུ་བཞུགས།།
　　འཛམ་གླིང་སྲིད་པའི་དར་ལྕོག་ནང་ལ་ནོར་བུ་བཞུགས་ཡོད།།
　　ཕྱི་ལ་ལྕགས་རིས་མ་བསྐོར་ཕྱི་ལ་ལྕགས་རིས་བསྐོར།།
　　གངས་དཀར་བརྒྱ་དང་བཅུ་གསུམ་ཕྱི་ལ་ལྕགས་རིས་བསྐོར་ཡོད།།
　16.གསེར་རི་གཡང་གི་ཕར་ནང་།།　　གསེར་གཡས་འཁྱིལ་གཡོན་འཁྱིལ།།　　ངང་པ་ངང་ཕྲུག་ཁྲིད་ནས།།མཚོ་ལ་ལོ་གསུམ་བསྡད་ཡོད།།　　མཚོ་ལ་ལོ་གསུམ་བསྡད་ཁར།།　　ངང་ཕྲུག་རང་མགོ་ཐོན་བྱུང་།།　　ངང་ཕྲུག་རང་མགོ་ཐོན་ནས།།
སང་ཉིན་འགྲོ་རྒྱུ་ཐོན་སོང་།།　　ངང་པ་ཨ་མ་ག་ལེ།།　ངང་ཕྲུག་རང་མགོ་ཐོན་ཡོད།།
　17.དངུལ་རི་གཡང་གི་ཕར་ནང་།།　　བྲག་དཀར་གཡས་འཁྱིལ་གཡོན་འཁྱིལ།།རྒོད་དཀར་རྒོད་ཕྲུག་ཁྲིད་ནས།།　　བྲག་ལ་ལོ་གསུམ་བསྡད་ཡོད།།　　བྲག་ལ་ལོ་གསུམ་བསྡད་ཁར།།　　རྒོད་ཕྲུག་རང་མགོ་ཐོན་བྱུང་།།　　རྒོད་ཕྲུག་རང་མགོ་ཐོན་ནས།།　　སང་ཉིན་འགྲོ་རྒྱུ་ཐོན་སོང་།།　　རྒོད་དཀར་ཨ་མ་ག་ལེ།།　　རྒོད་ཕྲུག་རང་མགོ་ཐོན་ཡོད།།
　18.གཡུ་རི་གཡང་གི་ཕར་ནང་།།　　རྒྱ་ལྕང་གཡས་འཁྱིལ་གཡོན་འཁྱིལ།།　　ཁུ་བྱུག་ཁུ་ཕྲུག་ཁྲིད་ནས།།　　ལྕང་ལ་ལོ་གསུམ་བསྡད་ཡོད།།　   　ལྕང་ལ་ལོ་གསུམ་བསྡད་
ཁར།ཁུ་ཕྲུག་རང་འགོ་ཐོན་བྱུང་།།ཁུ་ཕྲུག་རང་འགོ་ཐོན་ནས།།སང་ཉིན་འགྲོ་རྒྱུ་ཐོན་སོང་།།ཁུ་བྱུག་ཨ་མ་ག་ལེ།།ཁུ་ཕྲུག་རང་མགོ་ཐོན་ཡོད།།
　　19.བཀྲ་ཤིས་ལུང་པ་རེ་རེའི་ཁ་ལ།།　　གསེར་མཚོ་ཡག་མོ་རེ་རེ་འཁྱིལ་སོང་།།གསེར་མཚོ་ཡག་མོ་རེ་རེའི་ཁ་ལ།།གསེར་གྱི་མདའ་དར་རེ་རེ་བཙུགས་ཡོད།།　མདའ་དར་མཚོ་ནང་མ་ལྷུང་།།　　མཚོ་ལ་གཡང་རྟེན་རེ་རེ་བཞག་ཡོད།།　
　    20.བཀྲ་ཤིས་ལུང་པ་རེ་རེའི་ཁ་ལ།།　དངུལ་མཚོ་ཡག་མོ་རེ་རེ་འཁྱིལ་ཡོད།།དངུལ་མཚོ་ཡག་མོ་རེ་རེའི་ཁ་ལ།།དངུལ་གྱི་མདའ་དར་རེ་རེ་བཙུགས་ཡོད།།མདའ་དར་མཚོ་ནང་མ་ལྷུང་།།　　མཚོ་ལ་གཡང་རྟེན་རེ་རེ་བཞག་ཡོད།།　　
  21.བཀྲ་ཤིས་ལུང་པ་རེ་རེའི་ཁ་ལ།།གཡུ་མཚོ་ཡག་མོ་རེ་རེ་འཁྱིལ་སོང་།།གཡུ་མཚོ་ཡག་མོ་རེ་རེའི་ཁ་ལ།།གཡུ་ཡི་མདའ་དར་རེ་རེ་བཙུགས་ཡོད།།　　མདའ་དར་མཚོ་ནང་མ་ལྷུང་།།　　མཚོ་ལ་གཡང་རྟེན་རེ་རེ་བཞག་ཡོད།།
    22.བཀྲ་ཤིས་ལུང་པ་རེ་རེའི་ཁ་ལ།།　གསེར་མཚོ་ཡག་མོ་རེ་རེ་འཁྱིལ་སོང་།།　　གསེར་མཚོ་ཡག་མོ་རེ་རེའི་ཁ་ལ།།　　གསེར་གྱི་མདའ་དར་རེ་རེ་བཙུགས་ཡོད།།　མདའ་དར་མཚོ་ནང་མ་ལྷུང་།།　　མཚོ་ལ་གཡང་རྟེན་རེ་རེ་བཞག་ཡོད།།　
     23.བཀྲ་ཤིས་ལུང་པའི་རེ་རེའི་ཁ་ལ།།　　དངུལ་མཚོ་ཡག་མོ་རེ་རེ་འཁྱིལ་ཡོད།།དངུལ་མཚོ་ཡག་མོ་རེ་རེའི་ཁ་ལ།།དངུལ་གྱི་མདའ་དར་རེ་རེ་བཙུགས་ཡོད།།　མདའ་དར་མཚོ་ནང་མ་ལྷུང་།།    མཚོ་ལ་གཡང་རྟེན་རེ་རེ་བཞག་ཡོད།།
        24.བཀྲ་ཤིས་ལུང་པ་རེ་རེའི་ཁ་ལ།།　　གཡུ་མཚོ་ཡག་མོ་རེ་རེ་འཁྱིལ་སོང་།།　　གཡུ་མཚོ་ཡག་མོ་རེ་རེའི་ཁ་ལ།།
གཡུ་ཡི་མདའ་དར་རེ་རེ་བཙུགས་ཡོད།།　　མདའ་དར་མཚོ་ནང་མ་ལྷུང་།།　　མཚོ་ལ་གཡང་རྟེན་རེ་རེ་བཞག་ཡོད།།　
   25.གཡུ་འབྲུག་སྔོན་མོ་ཨ་སྔོན་དགུང་ལ་གྲག  །
　　བྱང་ཆར་ཡག་མོ་བར་སྣང་མཚམས་ནས་འབབ།།
　　སྨོན་ལམ་ཡག་མོ་ཨ་འབྲུ་ནས་ལ་ཕོག།
   26.རྒོད་དཀར་ཡག་མོ་བྲག་དཀར་སྟེང་ནས་གྲག  །
　　གཤོག་སྒྲོ་ཡག་མོ་བར་སྣང་མཚམས་ནས་རྒྱོང་།།
　　སྨོན་ལམ་ཡག་མོ་བྲག་དཀར་འདི་ལ་ཕོག།
　27.　ཁུ་བྱུག་སྔོན་མོ་རྒྱ་ལྕང་རྩེ་ལ་གྲག   །
　　གསུང་སྐད་ཡག་མོ་བར་སྣང་མཚམས་ནས་གཏོང་།།
　　སྨོན་ལམ་ཡག་མོ་རྒྱ་ལྕང་འདི་ལ་ཕོག།
　28.གངས་སྟེང་རྩེ་ལ་ཤྭ་བ་བརྒྱ་རེ་འཛོམས།།
　　འཛོམས་པའི་དུས་ལ་འཛོམས་བྲོ་མ་འཁྲབ་ན།།
　　སང་ཕར་ཕྱོགས་འགྲོ་ལམ་ཁ་ཁ་རེད།།
　29.བྲག་དཀར་སྟེང་ལ་རྒོད་དཀར་བརྒྱ་རེ་འཛོམས།།
　　འཛོམས་པའི་དུས་ལ་འཛོམས་བྲོ་མ་འཁྲབ་ན།།
　　རྒྱབ་གཤོག་སྒྲོ་ལྡིང་ལམ་ཁ་ཁ་རེད།།
　30.བྲོ་ར་ཟུར་ལ་མིང་སྲིང་བརྒྱ་རེ་འཛོམས།།
　　འཛོམས་པའི་དུས་ལ་འཛོམས་བྲོ་མ་འཁྲབ་ན།།
　　རང་མིང་སྲིང་ཕ་ཡུལ་ཁ་ཁ་རེད།།
　31.དགུང་ཨ་སྔོན་མ་འཛོམས་ལོ་གསུམ་རེད།།
　　གསེར་ཉི་ཟླ་འཛོམས་པ་ད་ལོ་རེད།།
　　སྐར་སྨིན་དྲུག་འཛོམས་པའི་སྨོན་ལམ་ཤོག།
　32.བྲག་དཀར་ཡག་མ་འཛོམས་ལོ་གསུམ་རེད།།
　　རྒོད་ཐང་དཀར་འཛོམས་པ་ད་ལོ་རེད།།
　　རྒྱབ་གཤོག་སྒྲོ་འཛོམས་པའི་སྨོན་ལམ་ཤོག  །
　33.གྲོང་རྒྱ་གྲོང་མ་འཛོམས་ལོ་གསུམ་རེད།།
　　གླུ་མཉམ་དགའ་འཛོམས་པ་ད་ལོ་རེད།།
　　རང་མིང་སྲིང་འཛོམས་པའི་སྨོན་ལམ་ཤོག།
　34.དགུང་ཨ་སྔོན་ལ་མོ་མཐོན་པོ་རེད།།
　　གསེར་ཉི་ཟླ་ལ་རྒྱབ་འགྲོ་མི་རེད།།
　　གསེར་ཉི་ཟླ་འགྲོ་ཐལ་མ་བསམ་རོགས།།
　　སྐར་སྨིན་དྲུག་མི་འགྲོ་ཁག་མེད་རེད།།
　35.བྲག་དཀར་ཡག་ལ་མོ་མཐོན་པོ་རེད།།
　　རྒོད་ཐང་དཀར་ལ་རྒྱབ་འགྲོ་མི་རེད།།
　　རྒོད་ཐང་དཀར་འགྲོ་ཐལ་མ་བསམ་རོགས།།
　　རྒྱབ་གཤོག་སྒྲོ་མི་འགྲོ་ཁག་མེད་རེད།།
　36.གྲོང་རྒྱ་གྲོང་ལ་མོ་མཐོན་པོ་རེད།།
　　རང་མིང་སྲིང་ལ་རྒྱབ་འགྲོ་མི་རེད།།
　　རང་མིང་སྲིང་འགྲོ་ཐལ་མ་བསམ་རོགས།།
　　གླུ་མཉམ་དགའ་མི་འགྲོ་ཁག་མེད་རེད།།
　37.དགུང་ཨ་སྔོན་ལ་མོ་མཐོན་པོ་རེད།།
　　གསེར་ཉི་ཟླ་ལ་རྒྱབ་འགྲོ་མི་རེད།།
　　དེང་ཐེངས་གཅིག་མི་འགྲོ་ཁག་མེད་རེད།།
　　ཡུན་རིང་པོ་མི་ཐོགས་བསྐོར་ར་སླེབས།།
　38.བྲག་དཀར་ཡག་ལ་མོ་མཐོན་པོ་རེད།།
　　རྒོད་ཐང་དཀར་ལ་རྒྱབ་འགྲོ་མི་རེད།།
　　དེང་ཐེངས་གཅིག་མི་འགྲོ་ཁག་མེད་རེད།།
　　ཡུན་རིང་པོ་མི་ཐོགས་བསྐོར་ར་སླེབས།།
　39.གྲོང་རྒྱ་གྲོང་ལ་མོ་མཐོན་པོ་རེད།།
　　རང་མིང་སྲིང་ལ་རྒྱབ་འགྲོ་མི་རེད།།
　　དེང་ཐེངས་གཅིག་མི་འགྲོ་ཁག་མེད་རེད།།
　　ཡུན་རིང་པོ་མི་ཐོགས་བསྐོར་ར་སླེབས།།
　40.དགུང་ཨ་སྔོན་ལ་མོ་མཐོན་པོ་རེད།།
　　གསེར་ཉི་ཟླ་ལ་རྒྱབ་འགྲོ་མི་རེད།།
　　དེང་ཐེངས་གཅིག་མ་འགྲོ་ཟེར་ལེ་མིན།།
　　ཡུན་རིང་པོ་མི་ཐོགས་བསྐོར་ར་ཤོག།
　41.བྲག་དཀར་ཡག་ལ་མོ་མཐོན་པོ་རེད།།
　　རྒོད་ཐང་དཀར་ལ་རྒྱབ་འགྲོ་མི་རེད།།
　　དེང་ཐེངས་གཅིག་མ་འགྲོ་ཟེར་ལེ་མིན།།
　　ཡུན་རིང་པོ་མི་ཐོགས་བསྐོར་ར་ཤོག
　42.གྲོང་རྒྱ་གྲོང་ལ་མོ་མཐོན་པོ་རེད།།
　　རང་མིང་སྲིང་ལ་རྒྱབ་འགྲོ་མི་རེད།།
　　དེང་ཐེངས་གཅིག་མ་འགྲོ་ཟེར་ལེ་མིན།།
　　ཡུན་རིང་པོ་མ་ཐོགས་བསྐོར་ར་ཤོག།
    43.ལུང་པ་ཆུང་ཆུང་གསེར་གྱི་ལུང་པ་རེད།།
　　གསེར་གྱི་མེ་ཏོག་སང་འགྲོ་གནངས་འགྲོ་རེད།།
　　སང་འགྲོ་གནངས་འགྲོ་ཐལ་མ་བསམ་རོགས།།
　　རྐང་པ་སོར་གསུམ་མི་ཡུལ་ལུང་ལ་བཞག  །
　　རང་སེམས་བསམ་པ་རང་ཡུལ་ཕྱོགས་ལ་བཞག།
　44.ལུང་པ་ཆུང་ཆུང་དངུལ་གྱི་ལུང་པ་རེད།།
　　དངུལ་གྱི་མེ་ཏོག་སང་འགྲོ་གནངས་འགྲོ་རེད།།
　　སང་འགྲོ་གནངས་འགྲོ་འགྲོ་ཐལ་མ་བསམ་རོགས།།
　　རྐང་པ་སོར་གསུམ་མི་ཡུལ་ལུང་ལ་བཞག།
　　རང་སེམས་བསམ་པ་རང་ཡུལ་ཕྱོགས་ལ་བཞག།
　45.ལུང་པ་ཆུང་ཆུང་གཡུ་ཡི་ལུང་པ་རེད།།
　　གཡུ་ཡི་མེ་ཏོག་སང་འགྲོ་གནངས་འགྲོ་རེད།།
　　སང་འགྲོ་གནངས་འགྲོ་འགྲོ་ཐལ་མ་བསམ་རོགས།།
　　གོམ་པ་སོར་གསུམ་མི་ཡུལ་ལུང་ལ་བཞག།
　　རང་སེམས་བསམ་པ་རང་ཡུལ་ཕྱོགས་ལ་བཞག།