ཤར་རྫ་རི་ཁྲོད་དུ་གྲོགས་པོ་ཞིག་ལ་ཕུལ་བ།

མི་ཡུལ་ནི་བྲེལ་ཟིང་གིས་ཁེངས་རུང་།

ཁྱོད་རང་། ཏིང་ངེ་འཛིན་གྱི་གུར་ཁྱིམ་དུ་

བཞུགས་པར་མཛོད།

རྣམ་ཤེས་ལ་གཤོག་པ་ཞིག་བསྩལ་རྗེས།

ཉི་ཟླ་ཡི་ཕ་རོལ་ཕ་རོལ་ཞིག་དང་སྣང་སྲིད་འདིའི་

ཕྱི་རོལ་ཕྱི་རོལ་ཏུ་འཕུར་རོགས།

ནམ་ཞིག།

རྒྱང་རིང་གི་ནམ་མཁའ་ནས།

ཉི་ཟེར་དང་ཆར་འབྲུ་བཀྱེ་དུས།

མག་མོག་གི་སྐར་ཆུང་དག་ལ་དྲོད་ཁོལ་རེ་སྦྱིན་རོགས།

ནད་མུག་དང་བཀྲེས་སྐོམ་གྱི་གདུང་བ་སེལ་བའི།

སྨན་མཆོག་ཨ་རུ་རྣམ་རྒྱལ་གནང་རོགས།

གནའ་མི་ཚོའི་ངག་རྒྱུན་དུ།

སྡིག་སྒྲིབ་ཀྱི་རུལ་དྲི་ཡལ་བའི་ཞིང་ཁམས་

ཡངས་པ་ཅན་དེར།

གསེར་གཡུ་ལྟ་བུའི་རིན་པོ་ཆེ་མོད་པ་གྲགས་པས།

ང་ལ། ཤ་ཁྲག་གྲངས་མེད་ཀྱི་སྐྱིན་ཚབ་སྤྲད་རོགས།

ཚེ་ཚེ་རབས་རབས་ཀྱི་བུ་ལོན་ལན་ཆགས་འཇལ་རོགས།