གཡུ་ཆུང་ཡེ་རྡོར། 2021-04-25
སྔར་བཞིན། གན་རྐྱལ་དུ་
ཉལ་ཡོད།
ནང་སེམས་ངལ་དུབ་དང་
འུར་ཟིང་གིས་བསྣད།
ནར་སོན་གྱི་ལོ་ཟླར་གཤིབ་པའི་
མི་དག།
ཕྱིར་འདང་གི་ཉི་འོད་ནང་དུ་
རྒས་གྱིན་འདུག།
ཡང་ན་འགྱུར་གྱིན་འདུག།
བསམ་གཞིག་གི་ནམ་སྨད་དུ། ཡིད་སྨོན་དང་ཞེ་སྡུག་ཐོལ་
གྱིས་བསྙིལ།
མི་ཚེ་ནི་མཚན་མོ་བཞིན་རིང་སྲིད།
ཡང་ན། འཇའ་འོད་ཀྱི་སྣང་བ་
བཞིན་ཐུང་།
ཐ་གུ་གཅིག་གིས་སྦྲེལ་ནུས་པའི་མི་
ཚེ་འདིར།
དུས་ཚོད་མཐའ་དག། ཕྱེ་ལེབ་
ཅིག་མེ་རུ་ལྕེབས་པ་བཞིན།
སྦྲུལ་ཞིག་སྐེ་ལ་ལྡང་བ་བཞིན།
དེ་ནི་ཡི་ཆད་དང་།འཁང་ར། ལེ་
བདའ། གཙེས་སུན་སོགས་
ཐ་སྙད་ཟུག་གཟེར་འབའ་ཞིག་གོ།
ནམ་ཞིག་གི་ཚེ།
ཁྱོད་ནི་ཨ་སྔོན་མཐོངས་སུ་འཕུར་
ངེས་ལ།
དོག་མོའི་པང་དུ་འཐིམ་ཡང་སྲིད།
དེ་དུས།
རང་ཅག་མཐའ་དག་ཆེས་དཀྱུས་
མའི་གང་ཟག་ཅིག་ཏུ་འཁུམས་ལ།
སུ་ལའང་འདི་མཐོ་དེ་དམན་གྱི་
བར་ཁྱད་མེད་ཅིང་།
མི་ཚེ་ནི་ཐོབ་བྱ་ཅི་ཡང་མེད་པའི་
རྣམ་གཡེང་གི་འགྲུལ་བཞུད་ཅིག་
ཏུ་སེམས་ལ།
ཡིད་སྨོན་དང་ཞེ་སྡུག་གི་དུར་
སའང་ཡིན་སྲིད།
རྩོམ་གསར། 10