བརྩེ་བ་གཡུང་དྲུང་རི་མོ།།

མི་གཞུག་རྡོ་རྗེ་མདུད་པ།།

སེམས་ཀྱི་མེ་ལོང་ནང་དུ།།

ཉི་ཟླ་ཁོ་ན་ཤར་ཡོད།།

སྤང་གི་མེ་ཏོག་སེར་ཆེན།།

གནམ་གྱི་སྐར་མ་འོད་ཆེན།།

ཕ་ཡུལ་ཕྱོགས་ཀྱི་ཆུང་འདྲིས།།

ཆ་འཇོག་འདི་ལས་མ་རྙེད།།

ཆར་སྣེ་རླུང་གིས་དེད་པ།།

རླུང་ལ་དྲན་པ་བྱིན་ཆགས།།

ཉི་ཤུའི་སྨག་ནག་ཅིག་ལ།།

གུར་མཐའ་རླུང་གིས་བཀྱགས་བྱུང་།།

རླུང་བུ་བསིལ་བསིལ་ཞིག་གིས།།

ཆུང་འདྲིས་འུ་གཉིས་འཕྲད་བྱུང་།།

སྙིང་གི་ལོ་ཆང་ཁམ་པ།།

མ་འཐུང་ཡུན་རིང་འགོར་འདུག།

ལོ་ཟླ་ཆུ་མོ་མར་བཞུར།།

བརྩེ་བ་ཡར་ངོས་ཟླ་བ།།

ཚེས་ཆེན་བཅོ་ལྔར་བསླེབ་ན།།

ཉ་གང་ཟླ་བ་འཆར་ཡོང་།།

ཆུང་འདྲིས་དྲན་པའི་གཞུ་མོ།།

མདའ་མོ་སྒྲོ་གར་གཤོག་ཐོགས།།

མ་འཐེན་སྟོང་རྟ་ཤོར་ལེ།།

སྙིང་གི་འབེན་ལ་འཕོག་དགོས།།

ཆུ་ཆེན་ཟམ་པ་བརྒྱུད་དུས།།

གསེར་མིག་ཉ་མོ་དྲན་བྱུང་།།

ནམ་ཟླ་དགུན་ཁ་བསམ་ན།།

སྨྲེང་བ་སེམས་སུ་བཞུར་ཡོང་།།

གཞོན་ཆུང་སྣང་བ་ཞིག་ལ།།

རྟ་ཕོ་སྒ་ཆ་བསྟད་ནས།།

ང་ཡི་ཆུང་འདྲིས་ཕྱོགས་ལ།།

ཡིག་ཆུང་འཕྲིན་པ་བསྐུར་ཡོད།།