ལས་དབང་གི་བགོ་སྐལ་ནག་པོའི་སོ་བར་ནས།

གྲང་འཁྱག་གི་སྐད་ཆ་རེ་རེ་སོ་སོའི་སེམས་སུ་བླུགས་ཚར་དུས།

འཚོ་བ་དང་བརྩེ་བའི་སྙིང་བོ་གང་དུ་སྦས་ཡོད།

དྲན་གདུང་དང་མིག་ཆུའི་ཐིགས་པ་གང་དུ་བཞུར་ཡོད།

ཁྱེད་ཀྱིས་ཞེ་འདང་གི་མེ་ཏོག་ཅིག་བཟུང་ནས།

ཉི་ནུབ་ཀྱི་མཚམས་སྤྲིན་ཁྲོད་དུ་འདས་དོན་གྱི་ལོ་ཟླ་ལ།

ན་ཟུག་དང་ལེ་གདའ་ཡིས་སྤར་འབྲད་བྱེད་ཀྱིན་ཡོད་དམ།

སེམས་པར་མི་ཤོང་བའི་ཞེ་འདང་དང་དམ་ཚིག

འདི་དག་ཁྱེད་ཀྱི་སེམས་ངོགས་སུ་ཤོང་གིན་ཡོད་དམ།

ངས་རང་ཉིད་ཀྱི་ལུས་ཤོང་སར་སེམས་མི་ཤོང་ཟེར་གྱིན།

ཁེར་རྐྱང་གི་གྲུ་ཟུར་གྱི་ལོ་ཟླ་སྐྱོ་ངལ་དང་དྲན་གདུང་གིས་མནར་ཏེ།

དམ་ཚིག་གི་ཕྱག་སོར་རིང་མོ་དུས་ཚོད་ཀྱི་སྐར་ཆ་རེ་རེས་མཐུད་དེ་སྒུག་ཡོད།