ཡིད་འདི་དགའ་བའི་དུས་སུ་སྨྲེང་འགྱུར་ཅིང་། །

སྐྱོ་བའི་སྐབས་སུའང་སྤྲོ་བ་འཕེལ་སྲིད་པ། །

ས་ཡོམ་ཆུ་འཇིགས་ཁྲོད་ནས་གཉེན་འདས་དང་། །

དུང་བའི་ལྷ་མོར་གློ་བུར་ལམ་འཕྲད་འདྲ། །

རྒྱུ་ལ་ཧམ་སེམས་ཆེ་བའི་དཔོན་པོ་དང་། །

སྤྱི་ལ་ཕན་སེམས་མེད་པའི་ལས་བྱེད་ཚོ། །

ཉིན་མོའི་ཚོགས་ཆེན་སྟེང་ན་ལྷ་འདྲ་ཡང་། །

མཚན་མོའི་ཟླ་འོད་ངོགས་ན་འདྲེ་དང་མཚུངས། །

ཏང་གི་སྲིད་ཇུས་མིག་བཞིན་བཀུར་ནས་ནི། །

རྒྱལ་ཁབ་ལ་རྒྱ་སྙིང་ལ་རྒྱུན་བཅངས་རུང་། །

གོང་ལ་རྔམ་པའི་དཔོན་པོ་ཚོམ་པོ་ཚོས། །

འོག་ན་འཚོ་བའི་སྡུག་འབངས་མཐོང་མ་གྱུར། །

ཀྲུང་དབྱང་ཏང་གིས་གནང་བ་དུང་ཕྱུར་གྲངས། །

བླ་མ་དཔོན་པོས་ཁྲམ་པ་ཁྲི་མ་འབུམ། །

ཆུ་ཆེན་རྐ་རུ་དྲངས་པའི་སྣེ་མོ་ནས། །

དམངས་ཀྱི་ཞིང་ལ་འབྱོར་བ་བརྒྱ་མ་སྟོང་། །