ཞེན་ཆགས་ཆུ་རྫིང་གིས་ཐོང་གཤོལ་དྲུད་དེ།།

སྟོང་བསམ་ལག་མཐིལ་དུ་ཀླན་ཀ་བཀྲལ་རྗེས།།

བརྩེ་སེམས་དྲྭ་ཐག་གི་ཆང་རག་ཧུབ་གང་།།

སྲབ་མདའ་བཀྱོག་མཚམས་སུ་བཏུང་དགོས་ཐལ་ཏེ།།

ཁྱོད་རང་བྱ་རྒོད་བཞིན་མཐོངས་ནས་འཕུར་ཞིང་།།

ང་རང་རི་རབ་བཞིན་ས་ལ་བཏིང་མྱོང་།།

འཇིག་རྟེན་ཕྱི་ནང་གི་ཡོ་ལང་སྣ་ཚོགས།།

སྐྱོ་གདུང་ཤུན་ཕྱིན་གྱིས་བསུམ་ཐབས་མེད་ཀྱང་།།

ཕྱི་མིག་ལྕགས་ཟམ་གྱི་བཞུད་སྣེ་རེ་ནས།།

སྨྲེང་ཙམ་ཤུམ་ཙམ་གྱིས་འཕག་འཚག་བསློགས་ཏེ།།

དོན་སྤྱི་རབ་རིབ་ཀྱི་ཁམས་ཆེན་གསེང་ན།།

ལོ་རྒྱུས་ལམ་ཆེན་གྱི་མཁའ་དབྱིངས་བཙུགས་ཡོད།།

གུ་ཡངས་མཚོ་མོ་རུ་དབུགས་རིང་མཐེན་བཞིན།།

གསོལ་འདེབས་མིག་ཆུ་ཡི་རལ་བ་ཤད་རུང་།།

དར་ལྕོག་སད་རྗེས་ཀྱི་སྨིག་རྒྱུའི་ཡལ་འདབ།།

གཟུགས་མེད་ཀོང་བུ་ཡི་གཟི་མདངས་ཀློང་དུ།།

བསོད་ནམས་དར་ཐག་གིས་བཀྱིག་དགོས་བྱུང་སོང་།།

མི་ཡུལ་བརྩེ་དུང་གི་དམྱལ་ཁམས་འདི་རུ།།

ཚུལ་འཆོས་གཡབ་མོ་ཡི་གླེགས་བམ་བསྡམས་ཏེ།།

རང་སེམས་ཆུ་མིག་གི་གཏིང་མའི་གཏིང་མར།།

སྙིང་རྗེའི་མེ་ལོང་དུ་ལག་པས་བསྙབ་ངེས།།