བསམ་གྱིན་བསམ་གྱིན།

ཨ་ཕ་ནི།

གནམ་རེད་བསམ་སོང་།

བསམ་གྱིན་བསམ་གྱིན།

ཨ་ཕ་ནི།

ཉི་མ་རེད་བསམ་སོང་།

བསམ་གཞིག་བྱོས་དང་།

ངས་འདི་ལྟར་བཤད་ན།

ཁྱོད་ཅག་དགོད་སྤྲོའམ།

ང་འཁྲུལ་འདུག་བསམ་ཨེ་ཡོད།

ཡང་བསྐྱར།

བསམ་གཞིག་གི་གླིང་གར་ཕེབས་དང་།

ཨ་ཕའི་སྙིང་སྟོབས།

ནམ་མཁའ་རེད།

ཨ་ཕའི་སྤོབས་པ།

ཉི་མ་རེད།

ཨ་ཕའི་སྙིང་སྟོབས་ཀློང་།

སྐར་ཚོགས་ཀྱི་མེ་ཏོག་བཀྲ་ཡོད།

ཉི་ཟླའི་འཛུམ་མདངས་རྒྱས་ཡོད།

ཨ་ཕའི་སྤོབས་པ་གླིང་ན།

མུན་ནག་ལ་འཐབ་ཡ་བཟུང་ཡོད།

འཇིག་རྟེན་ལ་སྒྲོན་མེ་སྦར་ཡོད།

རྒྱུ་མཚན་དེས།

ངས་ཨ་ཕ་ལ།

གནམ་ཞེས་འབོད་ཀྱིན་ཡོད།

ངས་ཨ་ཕ་ལ།

ཉི་མ་ཞེས་འབོད་ཀྱིན་ཡོད།