ཟླ་བ་དགུང་ནས་ཤར་བ།།

ཟླ་འོད་དྭངས་ཤིང་བསིལ་བ།།

དྭངས་གཙང་ཆུ་བོ་ཆེན་པོ།།

ཅི་འདྲའི་མཛེས་ཉམས་ལྡན་པ།།

དབྱར་གྱི་ཆར་བ་བབས་བྱུང་།།

ཆར་པས་མེ་ཏོག་བརླན་བྱུང་།།

ཡིད་གཞུང་མེ་ཏོག་ཡག་མོ།།

ང་ཡི་སེམས་སུ་བཞེངས་པ།།

སྒེའུ་ཁུང་མེ་ལོང་ནང་གི།

དྲན་པའི་ན་བུན་ཐར་ཐོར།།

ཁྱོད་ཀྱི་ཕྱོགས་སུ་ཆད་ཚེ།།

སེམས་པ་སྐྱོ་བས་ཁེངས་བྱུང་།།

ལུས་དང་ལུས་ཀྱི་བར་ཐག།

ཆུ་བོའི་མགོ་མཇུག་ཡིན་པ།།

བརྩེ་བ་ཐོག་རིག་བྲལ་བ།།

ལུས་དང་གྲིབ་མ་ཡིན་རེད།།

ཐ་སྙད་དཀར་ནག་བར་ནས།།

སྣང་བའི་མེ་ཏོག་བཞད་ཡོད།།

ཚོར་བ་ལན་གཅིག་ཟློས་ན།།

སྐྱོ་སྐྱོ་སྙིང་ལ་ཞུགས་ཡོང་།།