གསའ། 2019-04-01
ཁྱོད་རང་ཧ་ཅང་འཁྱག་དོན།
ག་རེ་ཡིན།
ངས་ཁྱོད་ཀྱི་ཉེ་ས་ནས།
དྭངས་གཙང་ལྷོད་པའི་གཞས་ཤིག་ལེན་འདོད།
མཚན་གུང་འདི།
ཁེར་རྐྱང་གི་མིག་ཆུ་མང་བས།
སྔས་འགྲམ་བརླན་པའི་ཚང་མལ་ཆུང་ཆུང་ཞིག
ཡང་ན། ངས་ཁྱོད་རང་ཁོ་ན་དྲན་པའི།
བརྩེ་དུང་གི་གླིང་ག་དེ་ཡིན།
གང་ལྟར། སྟབས་མ་ལེགས་པར་གྱེས་ཁའི་སྐད་ཆ་དེ།
ལོ་དུ་མར་བསྙལ་བའི་ཧྥ་རིན་སུས་ལོ་ཆང་ཁམ་པ་བཞིན།
བྲོ་བ་ཞིམ་ལ། རོ་བཅུད་ཕུན་སུམ་ཚོགས་པས།
ངས། ཁེར་རྐྱང་གི་སུན་སྣང་ཁྲོད་ནས་འཐུང་བར་མོས།
ངས། ཁེར་རྐྱང་གི་སྡུག་བསྔལ་ནང་ནས་ཁྱོད་ལ་སྒུག་ཡོད།
ཀྱེ། ང་ཡི་སྙིང་ཉེ་བའི་མགོ་ལོག་བུ་མོ།
རྩོམ་གསར། 10