བྱང་རླུང་། 2019-03-04
བྱ་གཤོག་ནམ་མཁའི་གཡོར་གྲུ།།
སྤྲིན་པ་བཏུབ་ནས་བསྐྱོད་ཆོག།
རང་རང་ལུས་ཀྱི་འཇའ་འོད།།
ང་དང་ཁྱོད་ཀྱི་ཉིན་ཐོ།།
གངས་ལ་བསྐོར་བ་རྒྱག་པ།།
སྨོན་པའི་དར་མདུད་ཟབ་མོ།།
དོན་གྱི་ཚིག་གི་སྒྱུ་འཕྲུལ།།
རྣོ་འབིག་མདུང་གི་སོ་ཁ།།
ཆུ་བོ་དལ་དལ་རྒྱུ་བ།།
རང་སེམས་སྨན་གྱི་ལྗོན་པ།།
ཁུ་བྱུག་མགྲིན་པའི་ཀློང་ལ།།
ཁྱེད་ཀྱིས་དངོས་གྲུབ་སྩོལ་ཅིག།
མཚོ་ཆེན་མ་ཕམ་གཡུ་སྔོན།།
མཚོ་མཐའ་བསྐོར་ནས་སོང་ཡང་།།
བློས་ཐུབ་གྲོགས་པོའི་ཞལ་འཛུམ།།
དྲན་པ་བརྒྱ་སྟོང་དགུ་སྟོང་།།
ཟླ་བ་གཞིས་ལ་འཕྲོས་པས།།
རུམ་ཁ་དྲོད་ཀྱིས་ཟིན་ཡོད།།
མཐུ་དང་འོད་ཀྱིས་བསྣམས་པ།།
སྐར་གསལ་བཅོ་ལྔའི་ཚེས་རིས།།
རྩོམ་གསར། 10