ཕུན་ཚོགས། 2018-11-30
འདུ་འཛོམས་རྒོད་པའི་ཁྲོམ་ཚོགས་ནས།
ངས་རང་ཉིད་དགའ་བའི་མེ་ཏོག་འགའ་ཉོས་ནས་ཡོང་།
དྲང་མོར་བཤད་ན།
ཁྱིམ་གྱི་རྫ་བུམ་སྟོང་བས་ལན།
ཡུལ་ལ་ལོག་རྗེས།
ངས་རྫ་བུམ་དེ་དག་གཙང་ཕྱི་རེ་བྱས་ནས།
མེ་ཏོག་དག་རེ་རེར་བཞིན་བཤམས།
ཉིན་མཚན་རེས་སུ་ཕྱིན།
ལོ་ཟླ་ཡུན་གྱིས་འདས་ཏེ།
ལོ་ཟླ་ག་ཚོད་ཅིག་ཕྱིན་པའང་མ་ཤེས་མོད།
དེའི་རྗེས་སུ།
ངས་ཡང་བསྐྱར་ཁྲོམ་ཚོགས་སུ་བཤམས་པའི།
སྔོན་ཆད་ཀྱི་བཀྲག་མདངས་བཀྲ་བའི།
རྫ་བུམ་ནང་གི་མེ་ཏོག་འདྲ་བ་རེ་མཐོང་བྱུང་།
ཡིན་ཡང་། ངས་གཅིག་ཀྱང་མ་ཉོས།
རྒྱུ་མཚན།མི་རེ་རེར་སེམས་ཀྱི་མེ་ཏོག་རེ་ཡོད་པས།
ལོ་དེར།
ང་ཕ་ཡུལ་དུ་འབྱོར་བྱུང་།
མེ་ཏོག་དེ་དག རྫ་བུམ་ནང་གི་མེ་ཏོག་དེ་དག
ཚ་བོ་ཚ་མོས་རྩེད་ཆས་སུ་གྱུར་འདུག
དེ་བས་ངའི་དབྱར་ཁ་སླེབས་པ་ཤེས་སོང་།
ཕ་ཡུལ་གྱི་དབྱར་ཁ་ཧ་ཅང་མཛེས་ལ།
མེ་ཏོག་དེ་ལས་ཡག་ཨང་།
རྩོམ་གསར། 10