འཛམ་གླིང་གི་ཡང་རྩེ་མི་ཡུལ་གྱི་དག་ཞིང་།

གངས་ལྗོངས་ཀྱི་ཤར་ཕྱོགས་མཛེས་སྡུག་གི་ཕ་གཞིས།

ཉིན་མོ་ཡི་སེམས་རྟེན་མཚན་མོ་ཡི་རྨི་ལམ།

ཕ་མ་ཡི་ཁྱིམ་གཞིས་སྐྱིད་པའི་ཕ་ཡུལ།

ང་ཡི་བརྗེད་དཀའ་བ་ནི་ཁྱེད་ཡིན་ལ། 

ང་ཡི་དྲན་སླ་བའང་ཁྱེད་ཡིན།

ཕ་ཡུལ་ལགས་སྐྱིད་པའི་ཉག་ཆུ་ཁ།

རྫ་ཆུ་སྔོན་མོ་ལྷང་ལྷང་དུ་བབས་པའི་ཡུལ་ཁམས་བདུད་

རྩི་བསིལ་མའི་རང་སྒྲ།

བེ་ཤའི་རོ་མཆོག་འཛམ་གླིང་ལ་ཁྱབ་པའི་ལྟེ་བ་རང་བྱུང་གི་ཞིང་ས།

རོང་འབྲོག་འཚོ་བ་སྣ་མང་འཛོམས་པའི་ས་ཆ་ལོངས་སྤྱོད་

ཀྱི་བང་མཛོད།

དྲོ་གྲང་འཚམ་པའི་གནམ་གཤིས་དུས་བཞི་ལ་སྦྲེལ་བའི་ལུས་

སེམས་ཀྱི་ངལ་སྟེགས།

ཕ་ཡུལ་ལགས་སྐྱིད་པའི་ཉག་ཆུ་ཁ།

ང་ཡི་བརྗེད་དཀའ་བ་ནི་ཁྱེད་ཡིན་ལ།

ང་ཡི་དྲན་སླ་བའང་ཁྱེད་ཡིན།

ཕ་ཡུལ་ལགས་སྐྱིད་པའི་ཉག་ཆུ་ཁ།

ཁམས་པའི་ཕོ་རྒོད་དཔའ་རྩལ་འགྱིང་པའི་ལྷག་བསམ་གྱི་

གངས་རི་དཀར་པོ།

ཁམས་པའི་བུ་མོ་འཛུམ་མདངས་རྒྱས་པའི་བྱམས་བརྩེ་ཡི་རྩྭ་

ཐང་ཡངས་པོ།

ཇ་རྟའི་གནའ་ལམ་གྲུ་ཁ་དང་པོ་ལོ་རྒྱུས་ཀྱི་རྡོ་རིང་བརྟན་པོ།

གསུམ་གཅིག་བརྒྱད་ཀྱི་བཞུད་ལམ་ཕྲ་མོ་མཛའ་བརྩེའི་ཟམ་

ཆེན་རིང་པོ།

ཕ་ཡུལ་ལགས་སྐྱིད་པའི་ཉག་ཆུ་ཁ། 

ང་ཡི་བརྗེད་དཀའ་བ་ནི་ཁྱེད་ཡིན་ལ།

ང་ཡི་དྲན་སླ་བའང་ཁྱེད་ཡིན། 

ཕ་ཡུལ་ལགས་སྐྱིད་པའི་ཉག་ཆུ་ཁ།

ནགས་ཚལ་སྟུག་པོར་ལྷ་བྱའི་གསུང་སྐད་ཞི་བདེ་

ཡི་རང་མདངས།

མ་ཎིའི་དབྱངས་ཀྱི་བྱིན་རླབས་དྲོན་མོ་མེས་པོ་ཡི་གཅེས་ནོར།

དབྱངས་གསལ་སོ་བཞིའི་རང་སྐད་གསོན་པོ་བུ་རབས་ཀྱི་ཚེ་སྲོག

རེ་སྨོན་འབུམ་གྱི་མིག་ཟུང་ཕྲ་མོ་མཐའ་མེད་ལ་

ཅེར་པའི་ང་ཡི་ཕ་ཡུལ།

སྐྱིད་པའི་ཉག་ཆུ་ཁ་ང་ཡི་བརྗེད་དཀའ་བ་ནི་ཁྱེད་ཡིན་ལ།

ང་ཡི་དྲན་སླ་བའང་ཁྱེད་ཡིན། 

ཕ་ཡུལ་ལགས་སྐྱིད་པའི་ཉག་ཆུ་ཁ།

ངའི་ཕ་ཡུལ་ངའི་སེམས་ནང་གི་སྐྱིད་པའི་ཉག་ཆུ་ཁ།