དྲན་གདུང་གི་སྙིང་ནད་ཅིག་འདི་ནས་མ་འཕར་ན།།

མིག་ཆུ་ཡི་གཙང་བོ་ཞིག་འདི་ནས་བཞུར་དོན་མེད།།

སེམས་ནང་གི་མྱི་བུ་ཞིག་འདི་ནས་མ་དྲན་ན།།

གདུང་སེམས་ཀྱི་སྨྲེ་སྔགས་ཞིག་འདི་ནས་ཤོར་དོན་མེད།།

ཕྱིར་དྲན་གྱི་སྣང་བརྙན་ཞིག་འདི་ནས་མ་མཐོང་ན།།

དྲན་གདུང་གི་མཚོ་མོ་ཞིག་སེམས་ལ་འཁྱིལ་མི་སྲིད།།

རེ་སྒུག་གི་མིག་ཟུང་ཞིག་ཉིན་བཞིན་མ་ཅེར་ན།།

ན་ཟུག་གི་མེ་ཏོག་ཅིག་སེམས་ལ་བཞད་མི་སྲིད།།

མཛེས་སྡུག་གི་བཞིན་དཔལ་ཉིད་སེམས་ལ་མ་བསྒོམ་ན།།

སྐྱོ་སྡུག་གི་ཆམ་ནད་ཅིག་འདི་ནས་ཕོག་མི་སྲིད།།

བཅོས་མིན་གྱི་སྙིང་གཏམ་ཞིག་འདི་ནས་མ་ལབ་ན།།

སྙན་ངག་གི་ལྷུ་ཚིགས་ཤིག་ཁྱེད་ལ་བསྒྲིགས་དོན་མེད།། 

རྩོམ་སྒྲིག་པ། མགར་རྒྱལ་སྲས།