རྒྱན་གཡུ་བྱུར་ཟེར་བ་རྡོ་རེད༎

ཡང་གསེར་དངུལ་ཟེར་བ་ལྕགས་རེད། །

རྒྱན་གསེར་དངུལ་རིན་ཐང་ཆེ་ཡང་། །

སེམས་བཟང་པོ་གསེར་གྱིས་མི་ཁུག །

གདོང་དཀར་དམར་བྲིས་པའི་མཛེས་པ། །

གོས་རྫིག་པོ་ཕྱི་ཡི་པགས་པ། །

ཕྱིའི་མཛེས་པ་བྲིས་ན་ཆོག་ཀྱང་། །

སེམས་བཟང་པོ་འབྲི་བའི་ཐབས་མེད། །

རྫུན་གཡོ་སྒྱུ་ཡོན་ཏན་མ་རེད། །

ཚིག་སྙན་མོ་སྙིང་གཏམ་མ་རེད། །

ཁ་མཁས་པོའི་སེམས་ལ་ཚོད་མེད། །

སེམས་བཟང་པོའི་ཁ་ལ་ཚོད་ཡོད། །

དཔོན་ཆེན་པོ་དབང་གི་མཛོད་རེད། །

དབང་སྤྱོད་ས་དམའ་བའི་འབངས་རེད། །

དབང་ཆེ་ཡང་སེམས་པ་བཟང་དགོས། །

སེམས་བཟང་པོ་བསྡུ་བའི་དབང་མེད། །

ངག་མ་ཎི་རང་གི་དོན་རེད། །

ལུས་བསྐོར་བ་སེམས་པའི་ཁྱད་རེད། །

དོན་སྡིག་པའི་ལས་ལ་མ་འཇུག །

སེམས་བཟང་པོ་མ་ཎིས་མི་མཚོན། །

སེམས་བཟང་པོ་སླ་མོའི་ལས་མིན། །

སེམས་བཟང་པོ་འདི་ཕྱིའི་ལམ་རེད། །

སེམས་བཟང་པོ་ཞི་བདེའི་མགོན་རེད། །

སེམས་བཟང་པོ་རྒྱན་ཆའི་མཛེས་རེད། །