དོ་དགོང་། ང་རང་དར་མདོ་ན་ཡོད།

ངས་གཏམ་རྒྱུད་ཀྱི་བར་གསེང་ནས།

གསར་དུ་བཙས་པའི་གྲོང་ཁྱེར་འདིའི་མཚན་མོ་འཐུ་བཞིན་ཡོད།

སྙན་ངག་པའི་ཞེ་གྲོ་མངར་མོ།

འགྲུལ་བཞུད་པའི་སྣང་བའི་ཁ་དོག

རི་བཞིའི་ལྷུམས་སུ་གཅེས་པར་འཛུམ་ལ།

ལྷ་དང་ཀླུ་ཡི་ཐུགས་ལ་བཏེགས་ཤིང་།

སྐར་ཚོགས་དང་གློག་འོད་ཀྱི་རུམ་ཁ་ན།

ལྷེམ་ལྷེམ་ཏུ་འགུལ་བའི་བུ་མོ་བཞིན།

ཇ་དང་མཛའ་གཞས་ཀྱི་ལོ་རྒྱུས་རུམ་ཞིང་།

ལྷོད་ཤ་ཆགས་པའི་འཛུམ་མདངས་ལྷུག་པར་དགོད་འདུག

དོ་དགོང་། 

དར་མདོ་གསར་བསུས་ཀྱི་དམག་གསར་ཞིག་ཡིན་ལ།

འོ་དྲིས་ངོ་གདོང་སྦགས་པའི་གཞོན་ནུ་མ་དེ་ཡིན།

དོ་དགོང་གི་དར་མདོ། 

རྨིས་མ་མྱོང་བའི་རྨི་ལམ་ཞིམ་པོ་ཞིག་རེད་འདུག