རྫ་རི་གངས་རི་མཉམ་འདུག་རེད།།
　　གངས་རི་མི་འདུག་འགྲོ་ལེ་རེད།།
　　རྫ་རི་བསམ་པ་མ་སྡུག་དང་།།
　　དགུན་ཟླ་གསུམ་ཤར་དུས་ཡོང་ལེ་རེད།།
　　སྤང་དང་མེ་ཏོག་མཉམ་འདུག་རེད།།
　　མེ་ཏོག་མི་འདུག་འགྲོ་ལེ་རེད།།
　　སྤང་རི་བསམ་པ་མ་སྡུག་དང་།།
　　དབྱར་ཟླ་གསུམ་ཤར་དུས་ཡོང་ལེ་རེད།།
　　ཤར་ལུ་སྨན་ཆུང་མཉམ་འདུག་རེད།།
　　ཤར་ལུ་མི་འདུག་འགྲོ་ལེ་རེད།།
　　སྨན་ཆུང་བསམ་པ་མ་སྡུག་དང་།།
　　ཚོང་ཡག་མོ་ཡོད་དུས་ཡོང་ལེ་རེད།།
　　སྐྱིད་ཤར་ལུ་གངས་ཀྱི་གཞི་བདག་རེད།།
　　བསང་རླུང་རྟ་ཡོད་ན་ཇེ་རྫིག་རེད།།
　　རྟ་འདོ་ལུ་རི་སྐེད་སྨུག་ཆུང་རེད།།
　　རླུང་བསིལ་བུ་གཡུག་ན་ཇེ་མགྱོགས་རེད།།
　　སྨན་བུ་མོ་མཚོ་ཁའི་མེ་ཏོག་རེད།།
　　 ཆར་ཟིམ་ཟིམ་བབས་ན་ཇེ་ཡག་རེད།།