དོན་ཚན་སོ་ལྔ་བ། གཙོ་གནད་རྩྭ་ཐང་མེ་འགོག་ས་ཁུལ་གྱི་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་རྩྭ་ཐང་མེ་སྐྱོན་གྱི་བབ་བསྟུན་ཐག་གཅོད་འཆར་གཞིའི་གཏན་ཁེལ་ལྟར། རྩྭ་ཐང་མེ་འགོག་གི་བཀོད་འདོམས་པུའུ་འཛུགས་ཆོག་ལ། ལེའུ་འདིས་གཏན་ཁེལ་བྱས་པའི་རང་རིམ་པའི་མི་དམངས་སྲིད་གཞུང་གིས་རྩྭ་ཐང་མེ་སྐྱོན་གསོད་ཁྲོད་ཀྱི་འགན་འཁྲི་འཁུར་དགོས།
ལེའུ་བཞི་བ། མེ་སྐྱོན་བྱུང་རྗེས་ཀྱི་བཀོད་སྒྲིག་སྐོར།
     དོན་ཚན་སོ་དྲུག་པ། རྩྭ་ཐང་མེ་སྐྱོན་བསད་རྗེས། འབྲེལ་ཡོད་ས་གནས་མི་དམངས་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གམ་དེའི་དམིགས་བཙུགས་སྡེ་ཚན་གྱིས་མེ་སྐྱོན་བྱུང་སར་སྒོ་ཀུན་ནས་ཞིབ་བཤེར་བྱས་ཏེ། མེ་རོ་གཙང་སེལ་བྱེད་དགོས་པ་མ་ཟད། མི་སྣ་འདང་ཚོད་ཅིག་བཞག་ནས་གནས་དེར་ལྟ་སྲུང་བྱེད་དགོས། རྩྭ་ཐང་མེ་འགོག་གཙོ་གཉེར་སྡེ་ཁག་གིས་ཞིབ་བཤེར་རྩིས་ལེན་བྱས་ཏེ་ཚད་དང་མཐུན་ན། ལྟ་སྲུང་མི་སྣ་ད་གཟོད་ཕྱིར་འཐེན་ཆོག
     དོན་ཚན་སོ་བདུན་པ། རྩྭ་ཐང་གི་མེ་སྐྱོན་བསད་རྗེས། འབྲེལ་ཡོད་ས་གནས་མི་དམངས་སྲིད་གཞུང་གིས་འབྲེལ་ཡོད་སྡེ་ཁག་རྩ་འཛུགས་བྱས་ཏེ། དུས་ལྟར་གནོད་ཐེབས་མང་ཚོགས་བཀོད་སྒྲིག་དང་རོགས་སྐྱོབ་བྱ་ལེགས་པར་བསྒྲུབ་དགོས་པ་དང་། གནོད་ཐེབས་མང་ཚོགས་ཀྱི་གཞི་རྩའི་འཚོ་བའི་ཆ་རྐྱེན་ལ་འགན་སྲུང་དང་འཕྲོད་བསྟེན་རིམས་འགོག་བྱ་བ་ལེགས་སྒྲུབ་བྱས་ཏེ། འགོས་ནད་འབྱུང་བ་དང་མཆེད་པར་སྔོན་འགོག་བྱེད་དགོས།
     དོན་ཚན་སོ་བརྒྱད་པ། རྩྭ་ཐང་མེ་སྐྱོན་བསད་རྗེས། འབྲེལ་ཡོད་ས་གནས་མི་དམངས་སྲིད་གཞུང་གིས་འབྲེལ་ཡོད་སྡེ་ཁག་རྩ་འཛུགས་བྱས་ཏེ་དུས་ལྟར་རྩྭ་ཐང་སླར་གསོ་བྱེད་པའི་འཆར་གཞི་གཏན་འཁེལ་བྱེད་དགོས་པ་དང་། རྩྭ་སོན་འདེབས་པ་དང་མིའི་ཐབས་ཀྱིས་རྩྭ་འདེབས་པ་སོགས་ལག་རྩལ་བྱེད་ཐབས་སྤྱད་དེ།
རྩྭ་ཐང་གི་སྔོ་ཁེབས་སླར་གསོ་བྱེད་དགོས་པ་མ་ཟད། ཕྱུགས་བྱའི་ནད་ཡམས་ལ་བརྟག་དཔྱད་བྱེད་པའི་བྱ་བ་ལེགས་པར་བསྒྲུབས་ཏེ། སྲོག་ཆགས་ལ་ནད་ཡམས་འབྱུང་བར་སྔོན་འགོག་བྱེད་དགོས།