རྩྭ་ཐང་མེ་འགོག་གི་དུས་ཡུན་ནང་། དམག་དཔུང་གིས་རྩྭ་ཐང་སྟེང་མེ་མདའ་དངོས་སུ་རྒྱག་པའི་འཁྲབ་སྦྱོང་བྱེད་པ་དང་། ཐོལ་བྱུང་དོན་རྐྱེན་ཐག་གཅོད་བྱེད་པ་དང་ལས་འགན་གཞན་པའི་ལག་བསྟར་བྱེད་དགོས་ན། དགོས་ངེས་ཀྱི་མེ་འགོག་བྱེད་ཐབས་སྤྱོད་དགོས།
    དོན་ཚན་ཉི་ཤུ་བ། རྩྭ་ཐང་མེ་འགོག་གི་དུས་ཡུན་ནང་། རྩྭ་ཐང་སྟེང་ལས་ཀ་བྱེད་པའམ་རྩྭ་ཐང་བརྒྱུད་པའི་རླངས་འཁོར་ལ་མེ་འགོག་སྒྲིག་ཆས་སྒྲིག་སྦྱོར་བྱས་ཏེ། མེ་ཤོར་བ་དང་མེ་འཕྱུར་བ། མེ་སྒོ་ལྷུང་བ་བཅས་ལས་མེ་སྐྱོན་འབྱུང་བར་ནན་འགོག་བྱེད་དགོས། རྩྭ་ཐང་བརྒྱུད་པའི་སྤྱི་སྤྱོད་འགྲིམ་འགྲུལ་ཡོ་བྱད་སྟེང་གི་ཁ་ལོ་བ་དང་ལས་གཉེར་མི་སྣས་མགྲོན་པོ་རྣམས་ལ་རྩྭ་ཐང་མེ་འགོག་སྐོར་དྲིལ་བསྒྲགས་བྱེད་དགོས། ཁ་ལོ་བ་དང་ལས་གཉེར་མི་སྣ། མགྲོན་པོ་བཅས་ཀྱིས་མེ་སོན་གང་སར་འཕེན་མི་རུང་།
    རྩྭ་ཐང་མེ་འགོག་གི་དུས་ཡུན་ནང་། རྩྭ་ཐང་སྟེང་ལས་ཀ་གཉེར་བའི་འཕྲུལ་ཆས་རིགས་ལ་ངེས་པར་དུ་མེ་འགོག་བྱེད་ཐབས་སྤྱོད་དགོས་པ་དང་། ལས་གཉེར་མི་སྣས་ངེས་པར་དུ་མེ་འགོག་སྐོར་གྱི་བདེ་འཇགས་སྤྱོད་སྟངས་ཀྱི་སྒྲིག་ལམ་བརྩི་སྲུང་བྱས་ཏེ། མེ་སྐྱོན་མི་འབྱུང་བ་བྱེད་དགོས།
    དོན་ཚན་ཉེར་གཅིག་པ། རྩྭ་ཐང་མེ་འགོག་གི་དུས་ཡུན་ནང་། རང་རིམ་པའི་མི་དམངས་སྲིད་གཞུང་གིས་ཆོག་མཆན་བཀོད་པ་བརྒྱུད་ནས། རྩྭ་ཐང་མེ་འགོག་གཙོ་གཉེར་སྡེ་ཁག་གིས་རྩྭ་ཐང་སྟེང་སྐྱོད་པ་དང་། མེ་སྐྱོན་འབྱུང་བའི་ཉེན་ཁ་ཡོད་པའི་རླངས་འཁོར་དང་དེ་མིན་རྩྭ་ཐང་གི་མེ་སྐྱོན་འབྱུང་སྲིད་པའི་བྱེས་ལས་བྱེས་ལས་བྱ་འགུལ་སྤེལ་བ་བཅས་ལ་རྩྭ་ཐང་མེ་འགོག་སྐོར་གྱི་བདེ་འཇགས་ལ་ཞིབ་བཤེར་བྱེད་དགོས། མེ་སྐྱོན་འབྱུང་བའི་མངོན་མེད་རྐྱེན་ངན་ཡོད་པ་ཤེས་ན། ངེས་པར་དུ་འབྲེལ་ཡོད་འགན་ཁུར་མི་སྣར་བཤད་དེ་མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་དགོས། མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་བའི་བྱེད་ཐབས་གཏན་ནས་མི་སྤྱོད་ན། རྩྭ་ཐང་སྟེང་སྐྱོད་པའམ་རྩྭ་ཐང་བྱེས་ལས་བྱ་འགུལ་སྤེལ་བ་གཏན་འགོག་བྱེད་དགོས།
    དོན་ཚན་ཉེར་གཉིས་པ། རྩྭ་ཐང་མེ་འགོག་གི་དུས་ཡུན་ནང་། དྲོད་ཚད་མཐོ་བ་དང་ཐན་པ་བྱུང་བ། རླུང་ཆེན་གཡུགས་པ་སོགས་ཉེན་ཁ་ཆེ་བའི་གནམ་གཤིས་བྱུང་སྐབས། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་རྩྭ་ཐང་གི་མེ་སྐྱོན་ཉེན་ཁ་ཆེས་ཆེ་བ་དང་རྩྭ་ཐང་གི་མེ་སྐྱོན་ཉེན་ཁ་ཆེ་བའི་ས་ཁུལ་དང་། གལ་ཏེ་རྩྭ་ཐང་ལ་མེ་སྐྱོན་བྱུང་ཚེ་མི་ལུས་ལ་རྨས་སྐྱོན་ཚབས་ཆེན་ཕོག་སྲིད་པ་དང་ཡང་ན་རྒྱུ་ནོར་ཐད་གྱོང་གུན་ཆེན་པོ་ཐེབས་སྲིད་པའི་མངའ་ཁོངས་བཅས་རྩྭ་ཐང་མེ་འགོག་སྐོར་གྱི་རྩིས་སྤྲོད་དོ་དམ་ནང་འཇོག་པ་དང་། རྩིས་སྤྲོད་དོ་དམ་གྱི་དུས་ཡུན་གཏན་ཁེལ་བྱས་ཏེ། དུས་ཐོག་ཏུ་སྤྱི་ཚོགས་ལ་ཁྱབ་བསྒྲགས་བྱེད་པ་མ་ཟད། གོང་རིམ་མི་དམངས་སྲིད་གཞུང་ལ་ཡར་ཞུ་བྱས་ཏེ་ཐོ་འགོད་བྱེད་དགོས།
     རྩྭ་ཐང་མེ་འགོག་གི་རྩིས་སྤྲོད་དོ་དམ་ཁུལ་གྱི་ནང་དུ་མེ་བཀོལ་སྤྱོད་བྱེད་པའི་བྱ་སྤྱོད་ཡོད་ཚད་གཏན་འགོག་བྱེད་དགོས། རྩྭ་ཐང་གི་མེ་སྐྱོན་འབྱུང་སྲིད་པའི་ཐང་སྟོང་མིན་ས་ནས་མེ་བཀོལ་བར། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་དང་ཡང་ན་རྩྭ་ཐང་མེ་འགོག་གཙོ་གཉེར་སྡེ་ཁག་གིས་ངེས་པར་དུ་རྩིས་སྤྲོད་དོ་དམ་གྱི་བླང་བྱ་ལྟར་དོ་དམ་ནན་མོ་བྱེད་དགོས།
    རྩྭ་ཐང་མེ་འགོག་གི་རྩིས་སྤྲོད་དོ་དམ་ཁུལ་ལ་སྐྱོད་པའི་རླངས་འཁོར་གྱིས་རྫོང་རིམ་ཡན་གྱི་ས་གནས་མི་དམངས་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གིས་གནང་བའི་རྩྭ་ཐང་མེ་འགོག་གི་ལམ་ཡིག་ལེན་དགོས་པ་མ་ཟད། མེ་འགོག་ཐད་ཀྱི་རྩིས་སྤྲོད་དོ་དམ་བརྩི་སྲུང་བྱེད་དགོས།
    དོན་ཚན་ཉེར་གསུམ་པ། རྩྭ་ཐང་སྟེང་གི་ཞིང（ཕྱུགས）ར་དང་བཟོ་གཏེར་ཁེ་ལས། ཐོན་སྐྱེད་བདག་གཉེར་ལས་ཁུངས་གཞན་པ་དང་དེ་མིན་བཅའ་སྡོད་དམ་དཔུང་ལས་ཁུངས། རང་བྱུང་སྲུང་སྐྱོང་ཁུལ་གྱི་དོ་དམ་ལས་ཁུངས་དང་ཞིང་སྡེའི་ཐུན་མོང་དཔལ་འབྱོར་རྩ་འཛུགས་སོགས་ཀྱིས་ངེས་པར་དུ་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་འགོ་ཁྲིད་དང་རྩྭ་ཐང་མེ་འགོག་གཙོ་གཉེར་སྡེ་ཁག་གི་མཛུབ་སྟོན་འོག  རྩྭ་ཐང་མེ་འགོག་ཐད་ཀྱི་འགན་འཁྲི་ལམ་ལུགས་དངོས་འབེབས་བྱེད་པ་དང་། མེ་ཁུངས་དོ་དམ་ལ་ཤུགས་སྣོན་པ། མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་བ་བཅས་བྱས་ནས། རང་ས་ཁོངས་ཀྱི་རྩྭ་ཐང་མེ་འགོག་བྱ་བ་ལེགས་པར་བསྒྲུབ་དགོས།