ཀྲུང་གོའི་གཞས་ཀྱི་ཆོལ་ཁའི་མཚན་སྙན་ཡོད་པའི་འབའ་ཐང་རྫོང་ནི་འབའ་གཞས་ཀྱི་མྱུ་གུ་ཆེས་ཐོག་མ་འབུས་ས་ཡིན་ཞིང་། འབའ་གཞས་ནི་སྙན་ངག་དང་སྒྲ་སྙན། གླུ་དབྱངས། བྲོ་གར་བཅས་གཞི་གཅིག་ཏུ་གྲུབ་པའི་སྒྱུ་རྩལ་གྱི་རྣམ་པ་ཞིག་ཡིན་པ་མཚོན་ཐུབ་ཅིང་། རོལ་དབྱངས་དང་བྲོ་གར། གཞས་ཚིག་སོགས་སྙན་འཇེབས་ཆེ་ཞིང་བག་ཆགས་པོ་དང་། དལ་ལྷོད་ལྷུག་གསུམ་ལྡན་ལ། ལྷད་མེད་རང་གཤིས་མངོན་པ་བཅས་ཡིན་ཞིང་། མི་རྣམས་ཀྱི་གཞུང་དྲང་བག་ཆགས་ཀྱི་སེམས་ཁམས་མཚོན་ཡོད་པ་དང་། རྒན་དར་གཞོན་གསུམ་གྱིས་ཤེས་སླ་བ། དམངས་ཁྲོད་རིག་གནས་ཀྱི་ཁྱད་ཆོས་མངོན་གསལ་དོད་པོ་ཡོད།