ཉེ་ཆར། གཟུགས་མེད་རིག་གནས་ཤུལ་བཞག་བརྒྱུད་འཛིན་དར་སྤེལ་དང་བུད་མེད་ཀྱི་སྟོབས་ཤུགས་མངོན་པའི་རིག་གནས་སྒྱུ་རྩལ་གྱི་རྒྱས་སྟོན་ཞིག་སྟེ། གཟུགས་མེད་རིག་གནས་ཤུལ་བཞག་བརྒྱུད་འཛིན་མཉམ་སྐྲུན་གྱིས་བུད་མེད་ལ་སྟོབས་ཤུགས་སྩོལ་བ་དང་མི་རིགས་མཐུན་སྒྲིལ་གོང་འཕེལ་གྱིས་བུད་མེད་ཀྱི་འབྱུང་འགྱུར་གཏོད་ཅེས་པའི་ལི་ཐང་དང་འབའ་ཐང་། འདབ་པ་བཅས་ཀྱི་བུད་མེད་ཚོའི་གཟུགས་མེད་རིག་གནས་ཤུལ་བཞག་ཁྲེང་ཏུའུ་རུ་སྐོར་སྐྱེས་ཀྱི་བྱེད་སྒོ་རབ་དང་རིམ་པ་སི་ཁྲོན་ཞིང་ཆེན་བུད་མེད་དང་བྱིས་པའི་ལྟེ་གནས་སུ་སྤེལ་འགོ་བཙུགས་པ་རེད།

     བགྲོ་གླེང་གི་ཁྲོད་དུ། ཁྱབ་ཁོངས་མི་འདྲ་བའི་བུད་མེད་ཕུལ་བྱུང་གི་འཐུས་ཚབ་ཚོས་སོ་སོའི་འབད་འཐབ་ལམ་རིམ་དང་མྱོང་ཚོར་ཞུས་རེས་བྱས་ཏེ། བུད་མེད་ཚོའི་རང་བདག་རང་ཚུགས་དང་འབད་འབུངས་ཡར་བརྩོན་གྱི་བསམ་པའི་འཁྱེར་སོ་སྒོ་ཀུན་ནས་མཚོན་པ་རེད། ཉམས་མྱོང་སྤེལ་རེས་བརྒྱུད་དེ་ཕན་ཚུན་ལ་ཆ་རྒྱུས་ལོན་ཤུགས་ཆེ་རུ་སོང་བ་དང་འབྲེལ་མི་རིགས་མཐུན་སྒྲིལ་དང་རིག་གནས་མཉམ་འདྲེས་ཡོང་བར་སྐུལ་སྤེལ་ཡང་ཐུབ་ཡོད།

    ལི་ཐང་ཨ་མས་བཟོས་བཟོ་རྩལ་ཁང་གི་གཙོ་གཉེར་བ་ཆོས་སྒྲོན་གྱིས་ཤིས་ཚིག་འབུལ་སྐབས་ཐེངས་འདིའི་རབ་རིམ་བྱེད་སྒོ་ནི་གཟུགས་མེད་རིག་གནས་ཤུལ་བཞག་བརྒྱུད་འཛིན་བྱེད་མཁན་བུད་མེད་རྒྱ་ཆེན་ལ་གུས་བཀུར་ཞུ་ཚུལ་ཞིག་ཡིན་ལ། བུད་མེད་ཀྱི་སྟོབས་ཤུགས་ཁྱོན་ཡོངས་ནས་མཚོན་པ་ཞིག་ཀྱང་ཡིན། ང་ཚོའི་རེ་བ་ནི་འདི་འདྲའི་སྤེལ་རེས་གླེང་མོལ་བྱས་ནས་བུད་མེད་དེ་བས་མང་པོས་ཡར་ཐོན་རྩེར་སྙེག་བྱ་རྒྱུར་བསྐུལ་ཏེ། མཉམ་དུ་སྤྱི་ཚོགས་འཆམ་མཐུན་འཕེལ་རྒྱས་ཡོང་བར་བྱ་རྒྱུ་དེ་ཡིན་ཞེས་བཤད་པ་རེད།