《རང་ཡུལ་རང་གིས་བསྐོར་བའི་སྐྱིད་སྡུག》ནི་རྩོམ་པ་པོ་གངས་དབང་བཀྲ་ཤིས་ཀྱིས་ལོ་ངོ་བཅུ་ཕྲག་རིང་མདོ་དབུས་ཁམས་གསུམ་རིག་པས་བསྐོར་བའི་རིག་གནས་ལྷུག་རྩོམ་སྐོར་གྱི་མུ་འབྲེལ་དེབ་ཕྲེང་ཞིག་ཡིན་པ་དང་། ད་ལམ་དཔེ་སྐྲུན་བྱས་པའི་དེབ་བཞི་པ་ནི་དེ་སྔོན་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས་པའི་དེབ་ཕྲེང་གསུམ་གྱི་རྨང་གཞིའི་སྟེང་བརྩམས་ཤིང་། བརྩམས་ཆོས་ཧྲིལ་པོ་ནི་རྩོམ་པ་པོ་ལོ་མང་རིང་དཀར་མཛེས་ཁུལ་གྱི་བརྒྱད་ཟིལ་དང་ཉག་ཆུ་རྫོང་། ལེང་ཧྲན་ཁུལ་རྨུ་ལི་རྫོང་གི་འཇང་རིགས་གནའ་གྲོང་། ཡུན་ནན་བདེ་ཆེན། བོད་ལྗོངས་ཀྱི་ཆབ་མདོ་དང་ཉིང་ཁྲི། མཚོ་སྣ་སོགས་རི་ཆུའི་ཕང་བ་དང་། མི་རིགས་མཉམ་འདྲེས་ཀྱི་བར་ཁྱམས་འཕྲེད་བཅད་རི་རྒྱུད་བརྒལ་བའི་མྱོང་བ་དམིགས་བསལ་བ་དག་གཞིར་བྱས་ཏེ་བོད་ཡིག་གིས་བརྩམས་ཤིང་། ས་ཆ་དེ་དག་གི་ལོ་རྒྱུས་ཤུལ་བཞག་དང་རིག་གནས་ཀྱི་མཚོན་རྟགས། ལོ་རྒྱུས་མི་སྣ། སྐད་དང་དམངས་སྲོལ་སོགས་ལྷུག་རྩོམ་ཐོག་ནས་གསར་བརྩམས་བྱས་པ་ཞིག་རེད་ལ། ཚིག་གི་མཚོན་ཐབས་དང་དོན་གྱི་སྒྲིག་རིམ་སོགས་སྒྱུ་རྩལ་གྱི་ཐད་ལ་སྔོན་མའི་དེབ་དང་མ་འདྲ་བར་ཚོད་ལྟ་ཡང་བྱས་ཡོད་པས་ཀློག་རིན་ཡོད་པའི་དེབ་ཅིག་རེད་འདོད།