ཧྲན་དབྱང་གིས་འདབ་པ་དང་ལི་ཐང་སོགས་སུ་སྒྲོག་འགྲེལ་གནང་།

ཨ་ཐུབ་ཀྱིས་བསྒྱུར།        2021-11-30

   སྤྱི་ཟླ11པའི་ཚེས27ནས28ཉིན་གྱི་བར། ཁུལ་ཨུའི་ཧྲུའུ་ཅི་ཧྲེན་དབྱང་འདབ་པ་རྫོང་འཇམ་རོང་ཡུལ་ཤོག་ར་ལམ་གྲོང་སྡེ་དང་།མང་ར་ཡུལ་ཤོག་བྲག་མགོ་དགོན། ལི་ཐང་རྫོང་གེ་མོ་ཡུལ་ཤོག་ཚྭ་ཁ་གྲོང་སྡེ་དང་། སྐྱ་ཤུལ་གྲོང་སྡེའི་སྐྱ་ཤུལ་དགོན་སོགས་སུ་ཕེབས་ནས། རྫོང་དང་ཡུལ་ཤོག། གྲོང་སྡེ་བཅས་ཀྱིས་ཏང་གི་སྐབས་བཅུ་དགུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་དྲུག་པའི་སྙིང་དོན་སློབ་སྦྱོང་དང་ལག་ལེན།དྲིལ་བསྒྲགས་བཅས་བྱས་ཚུལ་རྒྱུས་ལོན་གནང་བ་དང་། ལས་བྱེད་པ་དང་མང་ཚོགས་ལ་སློབ་སྦྱོང་གི་མྱོང་ཚོར་སྤེལ་རེས་གནང་ཞིང་། དཀར་མཛེས་ཁུལ་གྱི་དངོས་ཡོད་གནས་ཚུལ་དང་ཟུང་འབྲེལ་བྱས་ཏེ་ཚང་འཛོམས་གྲོས་ཚོགས་ཀྱི་སྙིང་དོན་གལ་ཆེན་དང་།བསམ་བློ་གཙོ་བོ། བརྗོད་དོན་ཕུན་སུམ་ཚོགས་པོ་བཅས་རྒྱས་བཤད་གང་ལེགས་གནང་བ་དང་། ཚང་འཛོམས་གྲོས་ཚོགས་ཀྱི་སྙིང་དོན་སེམས་ལ་ངེས་ཤིང་ལག་ལེན་དངོས་སུ་བསྟར་དགོས་པའི་སྐོར་ལ་དམིགས་ནས་བླང་བྱ་ཁ་གསལ་བཏོན་པ་རེད།

ཧྲན་དབྱང་གིས་འདབ་པ་དང་ལི་ཐང་སོགས་སུ་སྒྲོག་འགྲེལ་གནང་།

   ཧྲེན་དབྱང་གིས་རིམ་ཁག་དང་སྡེ་ཁག་གིས་ཏང་གི་སྐབས་བཅུ་དགུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་དྲུག་པའི་སྙིང་དོན་སློབ་སྦྱོང་དང་ལག་ལེན། དྲིལ་བསྒྲགས་བཅས་བྱ་རྒྱུ་དེ་ད་སྔར་དང་ཕྱིན་ཆད་དུས་རིམ་ཞིག་གི་ཆབ་སྲིད་ལས་འགན་ཆེན་པོ་ཞིག་ཏུ་གཞག་དགོས་པ་དང་། ཁུལ་ཡོངས་ཀྱི་རྒྱ་ཆེ་བའི་ཏང་མི་དང་ལས་བྱེད་པའི་བསམ་བློ་དང་བྱ་སྤྱོད་ཚང་འཛོམས་གྲོས་ཚོགས་ཀྱི་སྙིང་དོན་དུ་གཅིག་གྱུར་ཡོང་བར་སྣེ་ཁྲིད་བྱེད་པ་དང་། བློ་རིག་དང་སྟོབས་ཤུགས་ཚང་འཛོམས་གྲོས་ཚོགས་ཀྱིས་གཏན་འབེབས་བྱས་པའི་དམིགས་འབེན་ལས་འགན་ཁག་གི་ཐོག་ལ་གཅིག་འདུ་ཡོང་བ་བྱེད་ཅིང་། ཏང་སྐྱོང་གི་སྙིང་སྟོབས་རླབས་པོ་ཆེ་དར་སྤེལ་གཏོང་བ་དང་། ལོ་རྒྱུས་མེ་ལོང་དུ་འཛིན་ཞིང་མ་འོངས་པ་གསར་གཏོད་བྱེད་པ། དཀའ་སྤྱད་འབད་སྒྲུབ་དང་མདུན་སྐྱོད་ཞུམ་མེད་བཅས་བྱས་ཏེ། དཀར་མཛེས་ཁུལ་ཡུན་རིང་བདེ་འགོད་ཡོང་བ་དང་འཕེལ་རྒྱས་སྤུས་ཚད་མཐོན་པོའི་སྒོ་ནས་ཡོང་བའི་ལེའུ་གསར་པ་བརྩམ་དགོས་ཞེས་ནན་གསུང་གནང་བ་རེད།

ཧྲན་དབྱང་གིས་འདབ་པ་དང་ལི་ཐང་སོགས་སུ་སྒྲོག་འགྲེལ་གནང་།

   ཧྲེན་དབྱང་གིས་གཅིག་ནི་ཚང་འཛོམས་གྲོས་ཚོགས་ཀྱི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱ་དགོས། གཉིས་ནི་དུས་རབས་གསར་པའི་རྒྱང་སྐྱོད་འགྲོ་ལམ་དུ་རྣམ་པ་གསར་པ་དང་འཇོན་ནུས་གསར་པ་མངོན་པར་བྱ་དགོས། གསུམ་ནི་ཚ་ཚ་འུར་འུར་གྱི་སྒོ་ནས་ཚང་འཛོམས་གྲོས་ཚོགས་ཀྱི་སྙིང་དོན་སློབ་སྦྱོང་དང་དྲིལ་བསྒྲགས། ལག་ལེན་བཅས་བྱ་དགོས།བཞི་ནི་ཚང་འཛོམས་གྲོས་ཚོགས་ཀྱི་སྙིང་དོན་སློབ་སྦྱོང་དང་དྲིལ་བསྒྲགས། ལག་ལེན་བཅས་བྱ་རྒྱུ་དང་ད་སྔའི་ལས་དོན་ཁག་དང་ཟུང་འབྲེལ་ཡག་པོ་བྱ་དགོས་ཞེས་བསྟན་པ་རེད།།

  • ལེ་ཚན་སྔོན་མ།:ཧྥུང་ཧྥ་ཀུའེ་ཡིས་ཁུལ་མི་དམངས་སྲིད་གཞུང་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་དགུ་པ་གཙོ་སྐྱོང་གནང་།
  • ལེ་ཚན་རྗེས་མ།:ཁུལ་འཕྲོད་བསྟེན་བདེ་ཐང་ཨུ་ལྷན་གྱི་གསལ་འདེབས་གསར་ཤོས།
  • དོ་སྣང་ཆེ་བའི་རྩོམ།