ཀྲུང་གོའི་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་ཆབ་མདོ་ས་ཁུལ་གྱི་སྔོན་གཏོད་ལེགས་བརྩོན་དང་རྨང་བརྟན་དམངས་ཕན་བྱེད་སྒོ་ལག་བསྟར་བྱས་པའི་བརྒྱུད་རིམ་ནང་མི་དམངས་མང་ཚོགས་ཀྱི་རྩ་བའི་ཁེ་ཕན་ལ་དམིགས་ནས་ཐབས་ལམ་གསར་གཏོད་དང་ལས་གཞི་ཆེ་གྲས་བཞི་ལག་བསྟར་ཧུར་ཐག་བྱས་པ་དང༌། ལས་ཀའི་ནང་དོན་ཕུན་སུམ་ཚོགས་སུ་གཏོང་བ་དང་རང་འགུལ་ངང་གཙོ་དོན་ལག་བསྟར་བྱེད་སྒོ་ཁག་ཧུར་ཐག་སྤེལ་བས། ལས་དོན་རུ་ཁག་གི་རུ་མིའི་རྐང་རྗེས་བཅའ་སྡོད་བྱེད་སའི་ཞིང་འབྲོག་དུད་ཚང་ཚང་མར་ཁྱབ་པ་དང༌། སྲིད་ཇུས་དང་ཁྲིམས་ལུགས། རྣམ་གྲངས། ཞབས་ཞུ། ཏང་འཛུགས་སྐྱོང༌། ཤེས་དཔལ། གཞི་མཐུན་བཅས་གཞི་རིམ་དུ་སྤེལ་ཐུབ་པ་བྱུང་བ་རེད། རྒྱ་ཆེའི་གྲོང་ཚོར་བཅའ་སྡོད་ལས་བྱེད་པ་དང་མངག་གཏོང་བྱས་པའི་ཕུལ་བྱུང་ལས་བྱེད་པ་སྟོང་ཁ་ལོན་པ་གཞི་རིམ་དུ་གཞིས་ཚུགས་ནས་ཁོང་ཚོ་ཏང་གི་སྲིད་ཇུས་ཀྱི་དྲིལ་བསྒྲགས་པ་དང་འགལ་ཟླ་རྩོད་རྙོག་གི་བར་འདུམ་པ། གཞི་རིམ་རྩ་འཛུགས་འཛུགས་སྐྱོང་གི་མཛུབ་ཁྲིད་པ། ཚན་རིག་གོང་འཕེལ་གྱི་ཞབས་ཞུ་བ་བཅས་ལ་གྱུར་ཡོད་པས་ཆབ་མདོ་ས་ཁུལ་གྱི་གཞི་རིམ་རྩ་འཛུགས་འཛུགས་སྐྱོང་གི་རྨང་གཞི་བརྟན་དུ་ཕྱིན་པ་དང་། ཏང་དང་མང་ཚོགས་ཀྱི་འབྲེལ་བ་ཟབ་ཏུ་ཕྱིན་ནས་རྨང་བརྟན་དམངས་ཕན་བྱེད་སྒོ་བརྟན་པོའི་ངང་སྤེལ་ཐུབ་པ་བྱུང་བ་རེད།  །