བོད་ལྗོངས་འཕྲིན་དྲ། 2017-05-03
ཀྲུང་གོ་བོད་ཀྱི་དྲ་བའི་འཕྲིན། ཉེ་དུས། ཆབ་མདོ་གྲོང་ཁྱེར་སྟེང་ཆེན་རྫོང་ཇང་སྔོན་ཤང་ཇང་སྔོན་གྲོང་ཚོར་བཅའ་སྡོད་བོད་ལྗོངས་བརྙན་འཕྲིན་ལས་ཁུངས་ཀྱི་ལས་དོན་རུ་ཁག་གིས། རྫོང་དེའི་ཁྲིམས་འཛིན་ཅུད་ལ་གཞོགས་འདེགས་བྱས་ནས་དཔེ་མཚོན་གྱོད་གཞིའི་ཐོག་ནས་ཁྲིམས་ལུགས་སྦྱོང་བའི་དྲིལ་བསྒྲགས་བྱེད་སྒོ་སྤེལ་སྐབས་དཔེ་མཚོན་གྱོད་གཞི་ཞིབ་ཕྲ་དང་འབྲེལ་ནས་རྩ་ཁྲིམས་དང༌། གཉེན་སྒྲིག་བཅའ་ཁྲིམས། ཉེས་ཁྲིམས་སོགས་འབྲེལ་ཡོད་ཁྲིམས་ལུགས་ཤེས་བྱའི་སྐོར་སྒྲོག་འགྲེལ་བྱས་པ་མ་ཟད། འབྲེལ་ཡོད་དཔེ་མཚོན་གྱོད་གཞིར་གསལ་བཤད་ཞིབ་ཕྲ་བྱས་པ་དང་ཆབས་ཅིག མང་ཚོགས300ཙམ་ཁྲིམས་ལུགས་ཁྱབ་གདལ་གྱི་དྲིལ་བསྒྲགས་བྱེད་སྒོར་ཞུགས་སུ་བཅུག་པ་དང༌། དྲིལ་བསྒྲགས་ཡིག་ཆ1000ཙམ་སྤྲད་པ་མ་ཟད། གྲོང་ཚོ་ཨུ་ཡོན་ལྷན་ཁང་དུ་ཁྲིམས་ལུགས་བློ་འདྲིའི་དྲིལ་བསྒྲགས་ས་ཚིགས་བཙུགས་ནས་མང་ཚོགས་ལ་ཁྲིམས་ལུགས་བློ་འདྲིའི་ཞབས་ཞུ་ཡང་བསྒྲུབ་པ་རེད། །
དོ་སྣང་ཆེ་བའི་རྩོམ།
རྩོམ་གསར། 10