ཀྲུང་གོ་བོད་ཀྱི་དྲ་བའི་འཕྲིན། ཟླ10ཚེས23ཉིན། བོད་ལྗོངས་ཆབ་མདོ་གྲོང་ཁྱེར་མཛོ་སྒང་རྫོང་རབ་ཆེན་ཤང་ནས་གླིང་ཁ་སྨད་ཤང་བར་གྱི་གཞུང་ལམ་ཤར་གཏོང་ཐུབ་པ་དེ་ཐོག་ནས་ཆབ་མདོ་གྲོང་ཁྱེར་གྱི་ཤང(གྲོང་རྡལ)138ཚང་མར་གཞུང་ལམ་ཤར་གཏོང་ཐུབ་པ་མཚོན་གྱི་ཡོད།ཤེས་རྟོགས་བྱུང་བར་གཞིགས་ན། རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང་གི་ཚད་མཐོའི་མཐོང་ཆེན་དང་། ཆབ་མདོ་གྲོང་ཨུད་དང་གྲོང་ཁྱེར་སྲིད་གཞུང་གི་བློ་བརྟན་འགྱུར་མེད་ཀྱི་འགོ་ཁྲིད་འོག་རྣམ་གྲངས་དེ2015ལོའི་ཟླ9ཚེས1ཉིན་ལས་འགོ་ཚུགས་པ་དང2016ལོའི་ཟླ10ཚེས23ཉིན་སྔ་སྣུར་དུ་ལེགས་སྒྲུབ་ཟིན་ཡོད།
གཞུང་ལམ་དེའི་རིང་ཚད་ལ་སྤྱི་ལེ་36.233ཡོད་པ་དེ་རིམ་པ་བཞི་པའི་གཞུང་ལམ་ལག་རྩལ་གྱི་ཚད་གཞི་གཞིར་བཟུང་བསྐྲུན་པ་ཞིག་ཡིན་པ་དང་རླངས་འཁོར་འགྲུལ་བཞུད་ཀྱི་མྱུར་ཚད་ནི་ཆུ་ཚོད་རེར་སྤྱི་ལེ20ཡིན། ལམ་ངོས་ཀྱི་ཞེང་ཚད་ལ་སྨི་4.5ཡོད་པ་དང་རླངས་འཁོར་སྐྱོད་སའི་ཞེང་ཚད་ལ་སྨི3.5ཡོད། གཞུང་ལམ་ཤར་གཏོང་ཐུབ་པ་དེས་ས་གནས་དེ་གའི་མི་སེར་ཕྱིར་སྐྱོད་དཀའ་བའི་གནད་དོན་ཐག་གཅོད་ཐུབ་པ་དང་ཆབ་མདོ་གྲོང་ཁྱེར་གྱི་ཤང(གྲོང་རྡལ)ལ་གཞུང་ལམ་ཤར་གཏོང་ཐུབ་ཚད100%ཟིན་ཡོད་པ་རེད། །