ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོའི་ནང་།  ཆབ་མདོ་ཁྲིམས་ཁང་གིས་མང་ཚོགས་ཀྱི་དགོས་མཁོར་གཞིགས་པ་དང་འགུལ་སྐྱོད་ཁྲིམས་འཛིན་རྒྱུན་འཁྱོངས་བྱས་ནས་མཚན་མོའི་ཁྲིམས་ར་དང་སྦྲ་གུར་ཁྲིམས་ར།  གུང་གསེང་ཁྲིམས་ར་བཅས་གཏོད་དེ་བྲེལ་འཚུབ་དང་མྱུར་པོ།  དམིགས་བསལ་བཅས་ཀྱི་འགོག་མེད་ཞུ་གཏུགས་བགྲོད་ལམ་ཤར་གཏོང་བྱས་ནས་ཁྲིམས་ལྟར་མང་ཚོགས་ཀྱི་ཁྲིམས་མཐུན་ཁེ་དབང་སྲུང་སྐྱོང་བྱས་པ་རེད། 

ད་བར་ཆབ་མདོ་ཁྲིམས་ཁང་གིས་མཚན་མོའི་ཁྲིམས་ར9བཙུགས་ནས་ངལ་རྩོལ་གླ་ཆ་བདའ་འདེད་ཚུར་ལེན་དང་དམངས་ཁྲོད་དངུལ་བུན་གྱི་རྩོད་གཞི།  ཉོ་ཚོང་གན་རྒྱའི་རྩོད་གཞི།  འགྲིམ་འགྲུལ་དོན་རྐྱེན་གྱི་རྩོད་གཞི་སོགས་གྱོད་གཞི291ཞིབ་གཅོད་མཇུག་སྒྲིལ་བྱས་པ་དང་།  སྦྲ་གུར་ཁྲིམས་ར9བཙུགས་ནས་རྩྭ་རའི་ཐོན་ཁུངས་ཀྱི་རྩོད་གཞི་དང་ཉོ་ཚོང་གན་རྒྱའི་རྩོད་གཞི།  ངལ་ནུས་གན་རྒྱའི་རྩོད་གཞི་སོགས་གྱོད་གཞི263ཞིབ་གཅོད་མཇུག་སྒྲིལ་བྱས་པ།  གུང་གསེང་ཁྲིམས་ར11བཙུགས་ནས་སྔ་ཕྱི་བསྡོམས་གྱོད་གཞི127བདག་སྤྲོད་བྱས་པ་མ་ཟད།  ཁེ་སྤོགས་ཚུལ་དང་མི་མཐུན་པའི་རྩོད་གཞི་དང་འཛུགས་སྐྲུན་གན་རྒྱའི་རྩོད་གཞི392ཞིབ་བཤེར་ཐག་གཅོད་བྱས་པ་རེད།  །