ཀྲུང་གོའི་བོད་ཀྱི་དྲ་བའི་འཕྲིན། ཉེ་ལམ།བོད་ལྗོངས་ཆབ་མདོ་ས་ཁུལ་གྱིས2014ལོའི་ཉིན་གང་ལམ་ལུགས་ཀྱི་མཐོ་སློབ་དཀྱུས་མའི་ཁྱིམ་ཚང་ལ་དཀའ་ངལ་ཡོད་པའི་ཆབ་མདོའི་སློབ་མ་ལ་སློབ་གྲྭ་ཞུགས་པའི་སློབ་སྐྱོར་རོགས་དངུལ་རྩིས་སྤྲོད་བྱས།སློབ་སྐྱོར་རོགས་དངུལ་དེ་ཁྱིམ་ཚང་ལ་དཀའ་ངལ་ཡོད་པའི་སློབ་ཆེན་སློབ་མ་གསར་བར་ཐེངས་གཅིག་རང་བཞིན་ལ་ཁ་གསབ་རོགས་སྐྱོར་བྱ་རྒྱུ་ཡིན་ཞིང་།ཕ་ཡུལ་ནས་གདན་ཞུ་སློབ་གྲྭ་བར་གྱི་ལམ་རིན་དང་།སློབ་གྲྭ་ཞུགས་རྗེས་ཀྱི་དུས་ཡུན་ཐུང་ངུའི་འཚོ་བའི་དངུལ་བཅས་འདུས་ཡོད།རོགས་སྐྱོར་ཚད་གཞི་ནི་རང་སྐྱོང་ལྗོངས་ནང་ཁུལ་གྱི་སློབ་ཆེན་སློབ་མ་གསར་བ་མི་རེར་སྒོར500རེ་དང་།རང་སྐྱོང་ལྗོངས་ཕྱི་རོལ་གྱི་སློབ་ཆེན་སློབ་མ་གསར་བ་མི་རེར་སྒོར1000རེ་བཅས་ཡིན།བསྡོམས་པའི་སློབ་མ93༼ལྗོངས་ནང་ཁུལ་གྱི་སློབ་མ36དང་།ལྗོངས་ཕྱི་རོལ་གྱི་སློབ་མ57༽ལ་རོགས་སྐྱོར་བྱས་ཡོད་ཅིང་། འབྲེལ་ཡོད་མ་དངུལ་སྒོར་ཁྲི7.5ལ་སླེབས་ཡོད་པ་རེད།