ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོའི་ནང་།ཆབ་མདོ་ས་ཁུལ་གྱིས་རིག་གནས་བྱ་གཞག་གི་ཕུགས་ཀྱི་གོང་འཕེལ་ལ་དམིགས་ནས་གཅིག་བཅུ་བརྒྱ་སྟོང་ཁྲི་ཞེས་པའི་ཁྱད་ལྡན་རིག་གནས་ལས་གཞི་བཏོན་སྟེ།ཆབ་མདོའི་སྤྱི་པའི་རིག་གནས་བྱ་གཞག་མཆོང་སྐྱོད་ལྟ་བུའི་གོང་འཕེལ་འགྲོ་་རྒྱུར་སྐུལ་འདེད་བཏང་བ་རེད།
སྤྱི་ལོ༢༠༡༣ལོར་བོད་ལྗོངས་སློབ་ཆེན་སྒྱུ་རྩལ་སློབ་གླིང་དང་།ཁྲུང་ཆིང་།ཐན་ཅིན་བོད་སྐྱོར་སོགས་ཐབས་ལམ་མང་པོ་བརྒྱུད་རིག་རྩལ་རྐང་འཛིན་པ་བརྒྱ་ལྷག་ཙམ་ལ་སྦྱོང་བརྡར་སྤྲད་པ་དང་།ཆབ་མདོའི་ལས་རིགས་ལག་རྩལ་སློབ་གྲྭ་དང་ཐན་ཅིན་སྒྱུ་རྩལ་ལས་རིགས་སློབ་གླིང་དང་མཐུན་སྦྱོར་གྱིས་ཆེད་ལས་འཛིན་གྲྭ་བཙུགས་ཏེ།རིག་གནས་སྒྱུ་རྩལ་ལས་རིགས་ཀྱི་སློབ་མ༣༦༠བསྡུས་པ།ཐན་ཅིན་སྒྱུ་རྩལ་ལས་རིགས་སློབ་གླིང་ལ་མངགས་བཅོལ་གྱིས་སྒྱུ་རྩལ་གྱི་ཁྱད་ཆོས་ལྡན་པའི་སློབ་མ༦༠ཁ་ཕྱོགས་གཏན་འཁེལ་གྱི་གསོ་སྐྱོང་བྱེད་པ་བཅས་བྱས་པ་དང་།ད་བར་ཆབ་མདོར་ཁྱོན་རིག་གནས་སྒྱུ་རྩལ་ཚོགས་པ༡༠༠ལྷག་ཡོད་པ་རེད།ལོ་ལྔ་ཚན་བཅུ་གཉིས་པའི་རིང་ས་ཁུལ་དང་།རྫོང་།ཤང་།གྲོང་ཚོ་བཅས་ནས་ཕུལ་བྱུང་གི་སྲོལ་རྒྱུན་མི་རིགས་རིག་གནས་བརྩམས་བྱ་སྔོག་འདོན་དང་འཚོལ་བསྡུ།ལེགས་སྒྲིག་བཅས་བྱས་པ་བརྒྱུད་ཆབ་མདོ་ས་ཁུལ་དུ་སྔ་རྗེས་སུ་གཙང་གསུམ་ཁུལ་དུ་འཛོམས་པའི་ཁ་ཆད་ཞེས་པ་སོགས་བརྩམས་བྱ་མང་པོ་ཐོན་ཡོད་པ་རེད།དེ་དང་དུས་མཚུངས་ཆབ་མདོའི་མངོན་མིན་རིག་གནས་ཤུལ་བཞག་གི་གྲངས་མཛོད་ལས་གཞི་སྒོ་ཀུན་ནས་སྤེལ་འགོ་ཚུགས་ཤིང་།རྒྱལ་ཡོངས་ཀྱི་ས་ཁུལ་རིམ་པའི་མངོན་མིན་རིག་གནས་ཤུལ་བཞག་གྲངས་གཞི་ཅན་དུ་འཛུགས་སྐྲུན་བྱེད་པའི་ཚོད་ལྟའི་ཚན་པ་དང་པོར་གྱུར་བ་དང་།ཆབ་མདོའི་བྲོ་དང་སྨར་ཁམས་ཀྱི་པི་ཝང་།སྟེང་ཆེན་གྱི་རལ་པ།ཆབ་མདོ་བྱམས་པ་གླིང་དགོན་གྱི་དཀར་རྒྱན་བཟོ་རྩལ་བཅས་ཀྱི་ཐོན་ཁུངས་འཚོལ་བསྡུ་ལེགས་སྒྲིག་བྱེད་རྒྱུ་དང་གྲངས་གཞི་ཅན་དུ་འགྱུར་རྒྱུའི་ལས་ཀ་ལེགས་སྒྲུབ་བྱས་པ་རེད།