སྤྱི་ཟླ11པའི་ཚེས22ཉིན། གསར་འགོད་པས་དཀར་མཛེས་ཁུལ་འཕེལ་རྒྱས་བཅོས་བསྒྱུར་ཨུ་ལྷན་ནས་ཤེས་རྟོགས་བྱུང་བར་གཞིགས་ན། ད་ལོའི་ཟླ་བ་དང་པོ་ནས་བཅུ་པའི་བར་ཁུལ་ཡོངས་ཀྱི་གཙོ་གནད་ལས་གཞིར་རིམ་རྩིས་བྱས་ན། མ་དངུལ་སྒོར་དུང་ཕྱུར391.55བཏང་བ་དང་། ལོ་འཁོར་གྱི་འཆར་གཞིའི་བརྒྱ་ཆ116.87གྲུབ་ནས་མ་འཇོག་གི་ལས་འགན་སྔ་སྣུར་དུ་ཚད་བརྒལ་བྱུང་ཡོད།

ཤེས་རྟོགས་བྱུང་བར་གཞིགས་ན། ད་ལོའི་ཟླ་བ་དང་པོ་ནས་བཅུ་པའི་བར་དཀར་མཛེས་ཁུལ་གྱི་མཐུད་སྐྲུན་ལས་གཞིར་མ་དངུལ་སྒོར་དུང་ཕྱུར371.68བཏང་བ་དང་ལོ་འཁོར་གྱི་འཆར་གཞིའི་བརྒྱ་ཆ129.48གྲུབ་པ་དང་། གསར་དུ་ལས་འགོ་བཙུགས་པའི་ལས་གཞིར་མ་དངུལ་སྒོར་དུང་ཕྱུར19.87བཏང་བ་དང་ལོ་འཁོར་གྱི་འཆར་གཞིའི་བརྒྱ་ཆ41.4གྲུབ་ཡོད། ཨར་ལས་གྲུབ་པའི་ཐོན་སྐྱེད་བྱེད་འགོ་བཙུགས་པའི་ལས་གཞིར་མ་དངུལ་སྒོར་དུང་ཕྱུར120.66བཏང་བ་དང་ལོ་འཁོར་གྱི་འཆར་གཞིའི་བརྒྱ་ཆ288.97གྲུབ་ཡོད།