སྤྱི་ཟླ12པའི་ཚེས9ཉིན་གྱི་སྔ་དྲོར། ཉག་རོང་རྫོང་སློབ་འབྲིང་གི་དགེ་སློབ་ཚོས་ལུས་རྩལ་ཐང་ཆེན་དུ་འཛོམས་ནས༼ཐོག་མའི་བསམ་འདུན་གྱི་གཟི་འོད་ཏང་ལ་ཕྱོགས། མི་རིགས་མཐུན་སྒྲིལ་གྱི་ལེའུ་གསར་པ་རྩོམ༽ཞེས་པ་གཙོ་དོན་བྱས་པའི་12.9རྒྱལ་གཅེས་ལས་འགུལ་སྤེལ་ནས་ལོ89འཁོར་བར་དྲན་གསོ་ཞུ་བའི་རིག་རྩལ་འཁྲབ་སྟོན་གྱི་བྱེད་སྒོ་ཞིག་སྤེལ་བ་རེད།

    འདི་ནི་སྤྱི་ལོ1935ལོའི་ཟླ12པའི་ཚེས9ཉིན་པེ་ཕིང་སློབ་མས་སྤེལ་བའི་འཇར་འགོག་རྒྱལ་སྐྱོབ་ལས་འགུལ་ལ་དྲན་གསོ་ཞུ་བ་དང་རྒྱལ་གཅེས་རིང་ལུགས་ཀྱི་སྙིང་སྟོབས་དར་སྤེལ་གཏོང་བ། སློབ་མའི་རྒྱལ་གཅེས་འདུ་ཤེས་དང་མི་རིགས་ཀྱི་སྤོབས་སེམས་ཆེ་རུ་གཏོང་བ་བཅས་ཀྱི་ཆེད་དུ་ཡིན་པ་རེད།