ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། སྤྱི་ཟླ7པའི་ཚེས31ཉིན་གྱི་སྔ་དྲོ་ལྗར་པན་སྲིད་གཞུང་གིས་ནང་བློན་ཁང་གི་གྲོས་ཚོགས་འཚོགས་པ་དང་། འགོག་སྲུང་བློན་ཆེན་སེན་པན་མིན་གྱིས་ཕུལ་བའི་སྤྱི་ལོ2012ལོའི་ལོ་འཁོར་མོའི་འགོག་སྲུང་ཐད་ཀྱི་རྒྱབ་ཤ་དཀར་པོའི་དེབ་ལ་ཆོག་མཆན་སྤྲད་པ་རེད། རྒྱབ་ཤ་དཀར་པོའི་དེབ་ནང་ཀྲུང་གོའི་བྱ་སྤྱོད་ནི་ས་ཁུལ་འདིའི་སེམས་ཁྲལ་བཟོ་བའི་རྒྱུ་རྐྱེན་ཡིན་འུད་བརྗོད་བྱས་ཡོད་པ་དང་། ལྗར་པན་དང་ཨ་རིས་འགོག་སྲུང་ཐད་མཉམ་ལས་བྱ་དགོས་ཞེས་ནན་བཤད་ཡོད་པ་རེད།

རྒྱབ་ཤ་དཀར་པོའི་དེབ་དེའི་ནང་། ཀྲུང་གོའི་མཚོ་དམག་དམག་གྲུ་རུ་ཁག་ཞི་བདེ་རྒྱ་མཚོ་ཆེན་མོར་ཡང་ཡང་ཐོན་པ་དང་། ཀྲུང་གོའི་གྲུ་གཟིངས་ཀྱིས་ཅན་གོ་གླིང་ཚོམ་གྱི་ཉེ་འགྲམ་གྱི་ལྗར་པན་གྱི་མཚོ་ཁོངས་སུ་བཙན་འཛུལ་བྱས་པའི་གནས་ཚུལ་ཐོན་ཡོད། དམག་དོན་སྐོར་ཁ་གསལ་མེད་པ་ཚུད་པའི་ཀྲུང་གོའི་བྱ་སྤྱོད་ནི་ས་ཁུལ་འདིར་སེམས་ཁྲལ་སྐྱེ་བའི་རྒྱུ་རྐྱེན་རེད་ཅེས་བཤད་འདུག ལྗར་པན་གྱིས་ལོ་ལྟར་འགོག་སྲུང་ཐད་ཀྱི་རྒྱབ་ཤ་དཀར་པོའི་དེབ་རེ་འདོན་པ་དང་། ལྗར་པན་གྱིས་ཉེ་འཁོར་གྱི་བདེ་འཇགས་ཁོར་ཡུག་ལ་འཛིན་པའི་ལྟ་ཚུལ་དང་ལྗར་པན་གྱི་འགོག་སྲུང་སྲིད་ཇུས་རྒྱས་བཤད་བྱེད་ཀྱི་ཡོད།  །