མཱ་ལིའི་བར་བརྒལ་སྲིད་གཞུང་གི་ཙུང་ལི་ཏིས་ཡཱ་ལཱ་ཡིས་ཚེས་ཉེར་ལྔ་ཉིན་གྱི་སྔ་དྲོར་དངོས་སུ་མཱ་ལིའི་བར་བརྒལ་སྲིད་གཞུང་བཙུགས།མཱ་ལིའི་བར་བརྒལ་སྲིད་གཞུང་གི་དྲུང་ཡིག་ཆེན་མོ་ཨིན་ཏིས་ཡཱ་ཡེ་ཡིས་མཱ་ལིའི་རྒྱལ་ཁབ་བརྙན་འཕྲིན་ཁང་ནས་བར་བརྒལ་སྲིད་གཞུང་གི་ཁོངས་མི་ཉེར་བཞིའི་མིང་ཐོ་སྒྲོག་འདོན་བྱས།དེའི་ནང་རྒྱལ་སྲུང་པུའུ་ཀྲང་སོགས་པུའུ་ཀྲང་གི་གོ་གནས་གལ་ཆེན་གསུམ་དམག་མི་གསུམ་གྱིས་འགན་ཁུར་བ་དང་།ཁོ་ཚོ་སྲིད་འགྱུར་དམག་མིས་བཙུགས་པའི་དམངས་གཙོ་བསྐྱར་དར་དང་རྒྱལ་ཁབ་བསྐྱར་འཛུགས་རྒྱལ་ཡོངས་ཨུ་ཡོན་ལྷན་ཁང་བར་འབྲེལ་བ་ཟབ་མོ་ཡོད།
གསར་དུ་ཁྱབ་བསྒྲགས་བྱས་པའི་བར་བརྒལ་སྲིད་གཞུང་གི་ཁོངས་མིའི་མིང་ཐོའི་ཁྲོད་མཱ་ལིའི་སྲིད་ཏང་གི་མི་སྣ་གང་ཡང་མེད་ལ།སྐབས་སྔོན་མའི་སྲིད་གཞུང་གི་ཁོངས་མི་ཡང་མེད།བསྒྲགས་པའི་གནས་ཚུལ་ལྟར་ན། བར་བརྒལ་སྲིད་གཞུང་གི་ནེ་ཀིའི་གྲོས་ཚོགས་ཐོག་མ་ཚེས་ཉེར་ལྔ་ཉིན་བསྡུས་ཟེར།