ཨ་མེ་རི་ཁའི་རྒྱལ་སྲུང་བློན་ཆེན་ཕཱ་ནེ་ཐཱ་ཚེས་སུམ་ཅུ་ཉིན་ཝ་ཧྲིན་ཏོན་དང་བྲལ་ཏེ། དུས་ཡུན་ཉིན་དགུའི་རིང་གི་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་འགྲུལ་བཞུད་མགོ་བརྩམས། རྒྱལ་སྲུང་པུའུ་ཡི་དཔོན་རིགས་ཀྱིས་བཤད་རྒྱུར། ཕཱ་ནེ་ཐཱ་ཡིས་ཐེངས་འདིའི་འགྲུལ་བཞུད་བརྒྱུད་དེ་མནའ་མཐུན་གྲོགས་པོ་དང་ས་ཁུལ་དེའི་ནང་གི་རྒྱལ་ཁབ་དག་ལ་ཨ་མེ་རི་ཁའི་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་ས་ཁུལ་དུ་ཁ་གཏད་པའི་སྲིད་ཇུས་དེ་དོན་དངོས་ཁྲོད་ཇི་ལྟར་ཚོད་འཛིན་བྱེད་པར་འགྲེལ་བཤད་བྱེད་རྒྱུ་རེད་ཟེར།

ཕཱ་ནེ་ཐཱ་སིང་ག་ཕོར་དུ་སོང་ནས་ཤམ་བྷ་ལའི་གྲོས་མོལ་ལ་ཞུགས་རྒྱུ་རེད། མིང་བཤད་མི་འདོད་པའི་ཨ་མེ་རི་ཁའི་རྒྱལ་སྲུང་པུའུ་ཡི་དཔོན་པོ་ཞིག་གིས་གསར་འགོད་པར་བཤད་རྒྱུར། ཕཱ་ནེ་ཐཱ་ཡིས་གྲོས་མོལ་ཚོགས་འདུའི་སྟེང་སྲིད་ཇུས་གཏམ་བཤད་སྤེལ་རྒྱུ་ཡིན་པ་དང་། གཙོ་བོ་རྒྱལ་སྲུང་འཐབ་ཇུས་གསར་བ་དེ་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོ་ས་ཁུལ་དུ་ཁ་ཕྱོགས་པའི་གནས་ཚུལ་འོག ཨ་མེ་རི་ཁ་རྒྱལ་ཁབ་ཀྱིས་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་ས་ཁུལ་དུ་ནུས་པ་ཅི་འདྲ་འདོན་པ་དང་། འགུལ་བསྐྱོད་ཇི་ལྟར་སྤེལ་ཏེ་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་སྒྲིག་ལམ་གཏན་འབེབས་བྱེད་པ་སོགས་རྒྱས་བཤད་བྱེད་རྒྱུ་རེད་ཟེར།