གསར་འགོད་པས་བོད་རང་སྐྱོང་ལྗོངས་མངའ་རིས་ས་ཁུལ་རིག་དངོས་ཅུའུ་ནས་ཤེས་གསལ་བྱུང་བ་ལྟར་ན།  མ་དངུལ་སྒོར་བྱེ་བ་གཅིག་ལྷག་བཏང་བའི་གུ་གེ་རྒྱལ་རབས་གནའ་ཤུལ་གྱི་ལྡེབས་རིས་ཞིག་གསོ་བཟོ་འགོད་ཉེ་ལམ་སྤེལ་འགོ་བརྩམས་པ་དང་།  ཀན་སུའུ་ཞིང་ཆེན་ཏུན་ཧོང་ཞིབ་འཇུག་གླིང་གིས་འགན་ཁུར་ཡོད་པའི་གནའ་ཤུལ་ནང་གི་སྨིས་གྲུ་བཞི་མ་བརྒྱད་བརྒྱ་དོན་དྲུག་གི་ཞིག་གསོ་བཟོ་འགོད་སྔོན་དཔག་ལྟར་ན2013ལོའི་ཟླ7པའི་ནང་ལེགས་འགྲུབ་འབྱུང་ངེས། 
མཚམས་སྦྱོར་བྱས་པ་ལྟར་ན།  ལྡེབས་རིས་ཞིག་གསོ་བྱེད་པ་ནི་གུ་གེ་རྒྱལ་རབས་གནའ་ཤུལ་སྲུང་སྐྱོང་བཟོ་འགོད་ཁྲོད་ཀྱི་ལས་འགན་གཙོ་བོ་ཞིག་ཡིན་པ་དང་།  ཕོ་བྲང་དམར་པོའི་འདུ་ཁང་དཀར་པོ་དང་།  འདུ་ཁང་དམར་པོ།  རྡོ་རྗེ་འཇིགས་བྱེད་ཀྱི་འདུ་ཁང་།  སྒྲོལ་མ་དཀར་མོའི་འདུ་ཁང་།  དཀྱིལ་འཁོར་སོགས་འདུ་ཁང་ལྔ་ཡི་ལྡེབས་རིས་དང་།  ཆོས་སྐྱོང་བྲག་ཕུག་ནང་གི་ལྡེབས་རིས་ཞིག་གསོ་བྱེད་པ་སོགས་འདུས། 
མ་དངུལ་སྒོར་བྱེ་བ་ལྔ་ས་ཡ་བདུན་འབུམ་བཞི་ཁྲི་བཞི་བཏང་བའི་གུ་གེ་རྒྱལ་རབས་གནའ་ཤུལ་གྱི་སྲུང་སྐྱོང་ཞིག་གསོ་བཟོ་འགོད2011ལོའི་ཟླ5བའི་ནང་སྤེལ་འགོ་བརྩམས་པ་དང་། བཟོ་འགོད་ལ་གཙོ་བོ་རིམ་པ་གསུམ་དུ་བགོས་ཡོད་ལ།  གུ་གེ་རྒྱལ་རབས་གནའ་ཤུལ་གྱི་བཟོ་འགོད་ཡོངས་ལ་ཞིག་གསོ་བྱེད་པ་དང་།  འདུ་ཁང་ནང་གི་ལྡེབས་རིས་ལ་སྲུང་སྐྱོང་དང་ཞིག་གསོ་བྱེད་པ།  གནའ་ཤུལ་གྱི་གྱང་ཆག་དང་།  བྲག་ཕུག  ཉེ་འགྲམ་གྱི་རི་ཞིང་སྲ་བརྟན་དུ་གཏོང་བ་དང་ཆུ་འབུད་ལེགས་བཅོས་བྱེད་པ་བཅས་ཡིན།