ཨ་ཧྥེ་རི་ཁ་ལྷོ་མ་རྒྱལ་ཁབ་ཀྱིས་ཤར་ཕྱོགས་གྲུ་ཁའི་གྲོང་ཁྱེར་ནས། ཚེས་ཉེར་དྲུག་ཉིན་གྱི་ཕྱི་དྲོར་སྤྱི་སྤྱོད་རླངས་འཁོར་ཞིག་ལམ་དུ་བགྲོད་སྐབས་གློ་བུར་དུ་ཁ་ལོ་བྱེད་ཐབས་བྲལ་ཏེ། ལམ་འགྲམ་གྱི་རྩིག་པ་ཞིག་དང་ཐོ་བརྒྱབ་སྟེ། ཉུང་མཐར་ཡང་མི་ལྔ་རྐྱེན་ལམ་དུ་ཤོར་བ་དང་། མི་གྱ་བདུན་ལ་རྨས་ཕོག
བསྒྲགས་པའི་གནས་ཚུལ་ལྟར་ན། སྤྱི་སྤྱོད་རླངས་འཁོར་དེ་ཤར་ཕྱོགས་ཀྱི་མཁའ་ཙུའུ་ལུའུ་ནས་ནཱ་ཐཱ་ཨར་ཞིང་ཆེན་གྱི་མཚོ་འགྲམ་གྲོང་ཁྱེར་ཏི་པན་བར་གྱི་གཞུང་ལམ་གྱི་རི་ངོས་ནས་མར་བགྲོད་སྐབས། གློ་བུར་དུ་ཁ་ལོ་བྱེད་ཐབས་བྲལ་ནས། ལམ་འགྲམ་གྱི་ཁང་བ་ཞིག་ལ་ཐོ་བརྒྱབ་སྟེ་ལོག་པ་དང་། འགྲུལ་བ་མང་བོ་རླངས་འཁོར་ལས་ཕྱིར་ཤོར་བ་དང་། དེའི་ནང་འགྲུལ་བ་བཞི་དེ་མ་ཐག་རྐྱེན་ལམ་དུ་ཤོར་ཟེར།
ས་དེའི་རྒུད་སྐྱོབ་སྡེ་ཁག་གིས་བཤད་རྒྱུར། རྨས་མ་གྱ་བདུན་ཁྲོད་དུ། མི་ཉི་ཤུའི་རྨས་སྐྱོན་ཚབས་ཆེན་ཡིན་པ་དང་། སྨན་ཁང་དུ་མྱུར་སྐྱོབ་བྱེད་བཞིན་ཡོད་ལ། ཤི་བོའི་ཁ་གྲངས་མུ་མཐུད་དུ་ཇེ་མང་དུ་འགྲོ་སྲིད་ཟེར།
མིག་སྔར། ཉེན་རྟོག་ཕྱོགས་ཀྱིས་དོན་རྐྱེན་དེའི་འབྱུང་རྐྱེན་ལ་རྟོག་ཞིབ་བྱེད་བཞིན་ཡོད།