ཕཱ་ཁི་སི་ཐན་སྲིད་གཞུང་གིས་ཚེས་བརྒྱད་ཉིན་དམག་དཔུང་གི་གནམ་གྲུ་མངག་གཏོང་བྱས་ཏེ། འཁྲུག་རྩོད་བྱུང་བའི་ཕཱ་ཁི་སི་ཐན་བྱང་ཕྱོགས་ཀྱི་ཅིར་་སི་ཐི་གྲོང་ཁྱེར་ནས་ཕྱི་རྒྱལ་གྱི་མི་བརྒྱ་དང་ཉི་ཤུ་ཕྱིར་འཐེན་བྱས་པ་དང་། མི་དེ་དག་དབྱི་སི་ལན་པའོ་གྲོང་ཁྱེར་དུ་བསྐྱལ་བ་རེད།

ཅིར་ཅི་ཐི་ཡི་མཐོ་རིམ་ཉེན་རྟོག་དཔོན་པོ་ཡཱ་སུའུ་པུའུ་ཏེན་གྱིས་བཤད་རྒྱུར། ཕཱ་ཁི་སི་ཐན་སྲིད་གཞུང་གིས་ཉིན་དེརＣ－１３０རྟགས་ཅན་གྱི་སྐྱེལ་འདྲེན་གནམ་གྲུ་ཞིག་ཅིར་ཅི་ཐི་གྲོང་ཁྱེར་དུ་མངག་སྟེ་ས་དེའི་ཕྱི་རྒྱལ་གྱི་མི་ཕྱིར་འཐེན་བྱེད་པར་རོགས་རམ་བྱས།

རྒྱུས་ལོན་བྱུང་བ་ལྟར་ན། ཕྱི་འཐེན་བྱས་པའི་ཕྱི་རྒྱལ་གྱི་མིའི་ཁྲོད་འཇར་པན་གྱི་གནས་སྐོར་བ་དོན་བདུན་དང་། ཨ་མེ་རི་ཁའི་མི་གསུམ། ཕཱ་ཁི་སི་ཐན་དུ་སྡོད་པའི་ཀྲུང་གོའི་གཞུང་ཚབ་ཁང་གིས་བདེན་དཔང་བྱས་པ་ལྟར་ན། ཀྲུང་གོའི་ལམ་ཟམ་ཀུང་ཟིའི་ལས་བཟོ་བ་གཉིས་ཀྱང་གནམ་གྲུ་དེར་བསྡད་དེ་འབྱོར་བ་དང་། དེའི་རྗེས་སུ་ཁོ་གཉིས་དབྱི་སི་ལན་པའོ་ནས་རྒྱལ་ནང་དུ་ལོག་ཟེར།