ཞིན་ཧྭ་གསར་འགྱུར་ཁང་གི་གླག་འཕྲིན་ལྟར།ཁོ་ཐེ་ཏི་ཝོར་དབུས་ཕྱོགས་ཀྱི་པུའུ་ཝ་ཁའེ་གྲོང་ཁྱེར་ནས་ཚེས27ཉིན་འགྲིམ་འགྲུལ་དོན་རྐྱེན་ཚབས་ཆེན་ཞིག་བྱུང་སྟེ། ཉུང་མཐར་ཡང་མི30རྐྱེན་ལམ་དུ་ཤོར་བ་དང་། མི་མང་བོར་རྨས་ཕོག  གནས་ཚུལ་དངོས་སུ་མཐོང་མཁན་གྱིས་གསར་འགོད་པར་བཤད་རྒྱུར། མཱ་ལི་ནས་ཡོང་བའི་འགྲུལ་སྐྱེལ་རླངས་འཁོར་ཆེ་བ་ཞིག་དང་པུ་ཁི་ནཱ་ཧྥ་སོ་རུ་བགྲོད་པའི་སྤྱི་སྤྱོད་རླངས་འཁོར་ཞིག་ཉིན་དེར་པུའུ་ཝ་ཁའེ་གྲོང་ཁྱེར་དང་ཐག་མི་རིང་བའི་གྲོང་ཁྱེར་ཉེ་འདབས་ནས་ཐོ་བརྒྱབ་སྟེ་ཤི་རྨས་དོན་རྐྱེན་ཚབས་ཆེན་བཟོས་ཟེར། རྒྱུས་ལོན་བྱུང་བའི་གནས་ཚུལ་ལྟར་ན། དོན་རྐྱེན་དེའི་འབྱུང་རྐྱེན་ནི་པུ་ཁི་ནཱ་ཧྥ་སོ་རུ་བགྲོད་པའི་སྤྱི་སྤྱོད་རླངས་འཁོར་གྱི་རྐྱལ་བ་ཞིག་བཀད་དེ་རླངས་འཁོར་ལ་ཁ་ལོ་བྱེད་ཐབས་བྲལ་ནས་ཁ་གཏད་ཀྱི་འགྲུལ་སྐྱེལ་རླངས་འཁོར་ལ་ཐོ་བརྒྱབ་པ་རེད་ཟེར།  །