ཉེ་ཆར་ཀྲུང་གོ་མི་རིགས་སྐད་ཡིག་ཡིག་སྒྱུར་ཅུས་བོད་ཡིག་ཁང་གི་ཀྲུའུ་རེན། ཞུས་ཆུང་ལོ་ཙཱ་བ་ཟླ་བ་ཚེ་རིང་ལགས་དང་། ལས་ཁུངས་དེའི་ཞུས་ཆུང་ལོ་ཙཱ་བ་འཇམ་དབྱངས་དར་རྒྱས་ལགས་གཉིས་ཀྱིས་ཕྱི་ནང་གི་འགོག་རྐྱེན་ཙག་ཙིག་གདོང་གིས་བསུས་ཏེ། འཛམ་གླིང་གི་གཏམ་བཤད་གྲགས་ཅན་གང་མང་ཞིག་བསྒྱུར་ཏེ་དེབ་ཀྱི་ཁ་བྱང་ལ་༼བདག་ལ་རེ་བའི་རྨི་ལམ་ཞིག་ཡོད༽ཅེས་པ་དཔེ་བསྐྲུན་བྱས་ནས་ཚོང་རར་བཀྲམས།  ༼དེབ་འདིར་གཙོ་བོ་བརྗོད་བྱར་དབྱེ་སྟེ་ནང་དོན་མི་འདྲ་བ་ཁག་ལྔ་རུ་བགོས་འདུག་སྟེ། དང་པོ། རྟུལ་ཕོད་ཀྱི་ང་རོ། གཉིས་པ། དཔྱོད་ཤེས་ཀྱི་གཟི་བྱིན། གསུམ་པ། བདེན་དོན་གྱི་རང་མདངས། བཞི་བ། རང་དབང་གི་འབོད་སྐུལ།༽